© AFP 2023 / RIZWAN TABASSUM
Túrkistan oblysynda 30 keliden astam geroindi Reseige tasymaldamaq bolǵan sheteldikke sot úkimi shyqty. Bul týraly oblystyq sottyń baspasóz qyzmeti málimdedi, - dep habarlaidy Tengrinews.kz.
Oblystyq sot málimetinshe, shetel azamaty 2022 jyldyń 22 shildesinde saǵat 18.00 shamasynda ózine tiesili "Ford Mondeo" avtokóligimen Ózbekstannyń "Gisht-kýprik" shekara baqylaý beketinen ótken. Sodan Qazaqstan Respýblikasynyń "Jibek-joly" memlekettik shekara baqylaý beketine kelip toqtaǵan.
Qazaqstannyń Ulttyq Qaýipsizdik komitetiniń shekara baqylaý bóliminiń kinolog mamany "Belka" laqap atty qyzmettik itpen tájikstandyqtyń basqarýyndaǵy kólikti teksergen. Tekserý barysynda kóliktiń astyńǵy jaǵynda ornalasqan janar-jaǵarmai baginde jasyrylǵan 63 dana tússiz polietilen paketterge oralǵan zattar tabylǵan. Tabylǵan zat 31 kilogramm 465,2 gramm geroin bolyp shyqqan.
Sottalýshyǵa Qylmystyq kodekstiń 24-baby 3-bóligi (Qylmysqa daiyndalý jáne oqtalý/aiaqtalmaǵan qylmys), 286-baby 4-bóligi (Ainalysy shektelgen zattardyń kontrabandasy) jáne 297-baby 3-bóligi 3-tarmaǵymen (Asa iri mólsherdegi esirtki zattaryn ótkizý maqsatynda zańsyz daiyndaý, saqtaý, tasymaldaý, ótkizý) aiyp taǵyldy.
"Tájikstan azamaty óz kinásin ishinara moiyndap, sottan jeńil jaza taǵaiyndaýyn surady. Sot úkimimen sottalýshy ózine taǵylǵan aiyptar boiynsha kináli dep tanylyp, oǵan túpkilikti 15 jyl merzimge bas bostandyǵynan aiyrý jazasy taǵaiyndaldy", - delingen habarlamada.
Sheteldik azamat jazasyn qylmystyq-atqarý júiesiniń qaýipsizdigi barynsha joǵary túzeý mekemesinde óteitin bolady.
Úkim zańdy kúshine engen joq.
