Qyrǵyzstannyń Memlekettik shekara qyzmetiniń tóraǵasy Ýlarbek Sharsheev 17 qyrkúiekte shekarada bolǵan oqiǵa boiynsha Tájikstanmen júrgizilgen kelissózderdiń qorytyndysy týraly aitty, dep habarlaidy "Ult aqparat" «Kabar» agenttigine silteme jasap.
Sharsheev kelissózderdiń kúrdeli ótkenin, biraq birlesken nátijege qol jetkizilgenin atap ótti.
«Kelissózder kúrdeli ótti. Biraq, biz shieleniske deiin, iaǵni 14 qyrkúiekte bolǵan jaǵdaiǵa qaita kelý týraly sheshim qabyldadyq jáne barlyq qosymsha kúshter men qurylymdardy olardyń turaqty ornalasý pýnktterine qaita jiberetin boldyq. Shekarany shtattyq qurylymdar kúzetedi. Sondai-aq, ishki ister organdary Tájikstandaǵy Kalarcha eldi mekeni men Qyrǵyzstandaǵy Maksat eldi mekenin shielenisterge jol bermeý maqsatynda birlesip patrýldeý týraly kelisimge keldi», - dedi ol.
Budan bólek, Qyrǵyzstan Shekara qyzmetiniń basshysy oqty birinshi bolyp qai tarap atqanyn áskeri prokýratýra men ishki ister organdary, sarapshylar anyqtap jatqanyn aitty.
Ýlarbek Sharsheevtyń aitýynsha, Tájikstan tarapy shekara beketiniń qurylysyn kelisilmegen ýchaskede júzege asyrǵan.
«Meniń tikelei ókilim, birinshi orynbasarym sol jerde qaldy, olar kúshter men qurylymdardyń alyp ketýin baqylaidy», - dep túiindedi ol.
Eske salaiyq, 16 qyrkúiekte Qyrǵyzstan-Tájikstan memlekettik shekara ýchaskesinde atys bolǵan edi.
