قىرعىزستاننىڭ مەملەكەتتٸك شەكارا قىزمەتٸنٸڭ تٶراعاسى ۋلاربەك شارشەەۆ 17 قىركٷيەكتە شەكارادا بولعان وقيعا بويىنشا تەجٸكستانمەن جٷرگٸزٸلگەن كەلٸسسٶزدەردٸڭ قورىتىندىسى تۋرالى ايتتى, دەپ حابارلايدى "ۇلت اقپارات" «كابار» اگەنتتٸگٸنە سٸلتەمە جاساپ.
شارشەەۆ كەلٸسسٶزدەردٸڭ كٷردەلٸ ٶتكەنٸن, بٸراق بٸرلەسكەن نەتيجەگە قول جەتكٸزٸلگەنٸن اتاپ ٶتتٸ.
«كەلٸسسٶزدەر كٷردەلٸ ٶتتٸ. بٸراق, بٸز شيەلەنٸسكە دەيٸن, ياعني 14 قىركٷيەكتە بولعان جاعدايعا قايتا كەلۋ تۋرالى شەشٸم قابىلدادىق جەنە بارلىق قوسىمشا كٷشتەر مەن قۇرىلىمداردى ولاردىڭ تۇراقتى ورنالاسۋ پۋنكتتەرٸنە قايتا جٸبەرەتٸن بولدىق. شەكارانى شتاتتىق قۇرىلىمدار كٷزەتەدٸ. سونداي-اق, ٸشكٸ ٸستەر ورگاندارى تەجٸكستانداعى كالارچا ەلدٸ مەكەنٸ مەن قىرعىزستانداعى ماكسات ەلدٸ مەكەنٸن شيەلەنٸستەرگە جول بەرمەۋ ماقساتىندا بٸرلەسٸپ پاترۋلدەۋ تۋرالى كەلٸسٸمگە كەلدٸ», - دەدٸ ول.
بۇدان بٶلەك, قىرعىزستان شەكارا قىزمەتٸنٸڭ باسشىسى وقتى بٸرٸنشٸ بولىپ قاي تاراپ اتقانىن ەسكەري پروكۋراتۋرا مەن ٸشكٸ ٸستەر ورگاندارى, ساراپشىلار انىقتاپ جاتقانىن ايتتى.
ۋلاربەك شارشەەۆتىڭ ايتۋىنشا, تەجٸكستان تاراپى شەكارا بەكەتٸنٸڭ قۇرىلىسىن كەلٸسٸلمەگەن ۋچاسكەدە جٷزەگە اسىرعان.
«مەنٸڭ تٸكەلەي ٶكٸلٸم, بٸرٸنشٸ ورىنباسارىم سول جەردە قالدى, ولار كٷشتەر مەن قۇرىلىمداردىڭ الىپ كەتۋٸن باقىلايدى», - دەپ تٷيٸندەدٸ ول.
ەسكە سالايىق, 16 قىركٷيەكتە قىرعىزستان-تەجٸكستان مەملەكەتتٸك شەكارا ۋچاسكەسٸندە اتىس بولعان ەدٸ.
