«QTJ» UK» AQ júk qozǵalysy jónindegi basqarma tóraǵasy orynbasarynyń mindetin atqarýshy Oralhan Qýlakovtyń tóraǵalyǵymen Qazaqstan-Qytai shekarasynda uzaq ýaqyt boiy júgi turyp qalǵan otandyq eksporttaýshylarmen ZOOM-konferentsiia bolyp ótti, dep habarlaidy QazAqparat.
Biylǵy tamyz aiynyń ortasynan bastap QHR Alashańqai stantsiiasy qyzmetkerleri arasynda Covid-19 aýrýynyń jańa jaǵdailary anyqtalǵannan keiin poiyzdardy qabyldaýdy táýligine 18-den 7-8 quramǵa deiin tómendetti.
Qytai jaǵy tek konteinerlik poiyzdardy shekteýsiz qabyldaidy.
Sonymen qatar, Qytai stantsiiasynda jóndeý jumysy júrip jatyr. Bul poiyzdardy qabyldaý men ótkizýdi azaityp otyr.
Saldarynan júkter búlinip, qazaqstandyq eksporttaýshylar shyǵynǵa ushyrap, qozǵalystan qalǵan poiyzdar sany ósip otyr.
26 qyrkúiektegi jaǵdai boiynsha Dostyq stantsiiasy baǵytynda 106 poiyz nemese 5 300 vagon jolda turyp qalǵan.
Bul rette qazaqstandyq temirjolshylar QHR-dan poiyzdardy belgilengen merzimde jáne kólemde qabyldaýda.
«QHR júk kólemi josparyn shektemeýge kelisedi, biraq is júzinde júk tek konteinerlerde qabyldanady. Astyq tasyǵyshtarda jáne jabyq vagondarda astyq júkteriniń turyp qalýy jaǵdaiy erekshe alańdaýshylyq týǵyzady. Biz túrli vedomstvolarǵa júgindik. Alaida tehnologiialyq protsess keshiktirilip jatyr», - dedi Oralhan Kýlakov.
Konferentsiia barysynda «QTJ» UK» AQ eksporttaýshylarǵa júkterdi konteinerlerge belsendi tieýdi, júkti Dostyq stantsiiasynan Altynkól–Qorǵas shekara ótkeline qaita baǵdarlaýdy, basqa baǵyttarǵa baǵyttaýdy usyndy.
Temirjolshylar sondai-aq, máseleni birlesip sheshý úshin bizneske qytailyq alýshylarmen júk tasymaldaý máselelerin qatarlasa pysyqtaý qajet ekenin túsindirdi.
Óz kezeginde júk jóneltýshiler óz máseleleri týraly aityp, tyńdaityn jerine jetkizdi.
Atap aitqanda, eksporttaýshylar QHR shekarasynda vagondardyń turyp qalýyna bailanysty aiyppul sanktsiialary salynýy múmkindigi týraly suraqtaryn qoidy.
Oralhan Kýlakov júk jóneltýshi problemamen jalǵyzdan jalǵyz qalmaitynyna sendirdi: «Sizdermen birge biz QHR júkterdi qabyldamaǵanyn, sondyqtan da vagondar turyp qalýda ekendigin dáleldeimiz jáne rastaimyz».
Konferentsiia uiymdastyrýshylary sendirgendei, eksporttaýshylar máselesi temir jol basshylyǵynyń erekshe baqylaýynda.
Kezdesý sońynda júk jóneltýshiler ár seisenbi saiyn «QTJ» UK» AQ alańynda dástúrli qytailyq temirjolshylarmen beinekonferentsbailanys formatyndaǵy ótetin keńeske qatysýǵa shaqyryldy.
