Búgin Astana qalasynda «Maiqapshaǵai» kedendik baqylaý beketinde «zańsyz aqsha alyp ótti» degen jeleýmen 59,900 AQSh dollarynan aiyrylǵan jesir ana Gúljan Máýithannyń basyndaǵy qiyn jaǵdailarǵa bailanysty baspasóz máslihaty ótti, dep habarlaidy Baq.kz tilshisi.
Osynaý ataýly jiynǵa qoǵam belsendileri, zańgerler – Erlan Saiyrov, Ǵalym Baitýk, Muhtar Taijan, Abzal Quspan, Aijan Dáribaeva, Kamisha Esmuhambetqyzy qatarly tulǵalarmen jábirlenýshiler, jýrnalister qatysty.
Baspasóz máslihatyn júrgizgen Erlan Saiyrov: «Shekara beketinde bolǵan bul jaǵdaidyń Qazaq Eline kelýge niet etip otyrǵan ózge qandastyrymyzǵa múlde keri áser etip, tipti, kóshtiń toqtap qalýyna sebep bolǵan shýly oqiǵa ekenin, el-jurt bolyp joǵarǵy jaqtyń nazaryn aýdaryp, osy istiń ońtaily sheshý joldaryn tappasa, Elbasy Nursultan Nazarbaev ózi bastamashy bolǵan «álem qazaqtaryn atajurtqa jinaý» bastamasyna úlken kedergi ekenin» aitty.
Gúljan Máýithan, «Maiqapshaǵai» kedendik baqylaý beketinde bar qarjysynan aiyrylǵan jesir ana:
Ózderińizge málim, burynnan baspasóz betinde jazylyp júrgendei, 8 aqpan kúni qasymda ulym, týǵan inim, jienim men onyń kelinshegi, olardyń balasy bar, jiyny – 7 adam Qazaq Eline kóship kele jatqan kezimizde kedenshiler barlyǵymyzǵa tiesili 59,900 dollar aqshamyzdy tárkilep aldy. Tergeý kezinde «Bizdiń aitqanymyz boiynsha isteseńiz, aqshańyzdyń bári qaitady» dep sendirip, bálen qaǵazǵa qol qoidyryp aldy... Aqyry, osyndai bálege jolyǵyp, bar qarjymyzdan aiyryldyq. Burynǵy ótken sot otyrystary bizdiń paidamyzǵa sheshilmegen soń, apellatsiialyq sotqa aryz jazdy. Ol sot aldaǵy maýsym aiynyń 1-i kúni Óskemen qalasynda ótedi.
Abzal Quspan, zańger:
Bul máselege zańdyq turǵydan qaraityn bolsaq, qoldanystaǵy qylmystyq kodekste 234 bapqa sáikes, biraz zańsyzdyqtardy baiqaýǵa bolady. Iaǵni, bul jerde Gúljan Máýithan tarapynan, onyń óz aqshasyn shekaradan deklaratsiiasyz ótkizýinde memleketke eshqandai qarjylyq zalal kelip otyrǵan joq. Bul kisi bar bolǵany – bir paraq qaǵazdy toltyrýdy bilmegen.
Al, Gúljan Máýithannyń basyndaǵy jaǵdai bir ret qana qaitalanyp otyrǵan joq. Buǵan deiin de bolǵan. Mysaly, dál qazir meniń qolymda Zaisan aýdandyq sotynyń 2011 jyly 16 tamyzda Tompaq Marqa esimdi azamattyń ústinen qozǵaǵan qylmystyq istiń úkimi bar. Ol da týra osyndai jaǵdai, esh aiyrmashylyǵy joq. Qazir Jýrnalist Ularbek Dáleiuly ekeýimiz osyǵan uqsas basqa da faktilerdi jinaqtap jatyrmyz.
Osy oqiǵadan keiin men damyǵan batys elderiniń zańnamalaryn zerttep kórdim. Ol elderge siz qomaqty aqshaman barsańyz, olar sizdi kerisinshe qushaq jaia qarsy alady. Aitalyq, Uly Britaniiaǵa siz eshqandai azamattyǵyn almai-aq 2 million fýnd sterling aqshamen barsańyz, sizge investitsiialyq viza beredi, al ol vizamen sol eldiń azamattaryna qaraǵanda ókilettigińiz áldeqaida joǵary bolady. Kez kelgen esi durys memleket óz ishine aqshanyń syrttan kirgenin qalaidy.
Bul jerde ol kisi kontrabandalyq qymbat buiymdar alyp kele jatqan joq, qonys aýdaryp kóship kele jatyr. Bul isti qylmys retinde qaraý úshin, qoǵamǵa qaýipti jaǵy bolýy kerek. Biraq, ondai esh negiz joq.
Ekinshiden, ol kisiler tańǵy saǵat 10:00 shamasynda shekaraǵa kelgen, sol ýaqytta ustaǵannan keshki 8:00 shamasynda biraq bosatqan. Bul jerde zańsyzdyq bolǵan, iaǵni, QR QK tarmaqtary boiynsha jaýap alý úshin 3 saǵattan artyq ustaýǵa bolmaidy. Bul jerde olardyń (Mýithan.G) bas bostandyǵyn shektep, zańsyzdyqqa barǵan. Ony ózderi toltyrǵan tergeý qaǵazdarynan anyq baiqaýǵa bolady.
Úshinshiden, aldymyzda Halyqaralyq EKSPO kórmesi kele jatyr. Erteń sonda shetelden kelgen azamattardyń bárin ústinen qylmystyq is qozǵap, sottai beremiz be? Ol jaǵdai bizdiń imidjimizge qalai áser etpek?
Muhtar Taijan, qoǵam qairatkeri:
Bul jaǵdaiǵa qarap otyrsaq, bizdiń keibir sot júiesi túsiniksiz. Mysaly, birer ai buryn jemqorlyqqa batqan, bir million dollar para alǵan Ni degen adam sot aldynan bosap ketti... qarap otyrsaq mundai jaitter barshylyq. Al, shetelden kóship kele jatqan qarapaiym otbasyn basyn qatyryp, neshe ai boiy sotpen áýrelep júr. bul jerde olar oryssha bilmeidi, krillitsa áripterin tanymaidy. Qatal zań boiynsha bul isti qaraýǵa bolmaidy, menińshe. Eldegi qaptaǵan jemqordy jazalaýdyń ornyna osyndai jaǵdai bolǵany ókinishti. Aldaǵy sot otyrysyn bárimiz muqiiat baqylaimyz. Kerek bolsa, Óskemenge baramyz. Al, sot otyrysy keshirim jasap, ádil úkim shyǵarady dep senemiz.
Bul isi – óte mańyzdy. Qanshama qazaq atajurtyna kóship kelýdi armandyp otyr.
Ǵalym Baitýk, qoǵam qairatkeri:
Abai tiri bolsa, «sorly qazaǵy-ai...» dep taǵy aitar edi. Gúljan Máýitan apaiymyzdyń basyndaǵy bul jaǵydai – bárimizdiń janymyzdy túrshiktirdi. Shekarada toltyrylmai qalǵan bir qaǵaz úshin osynsha árege saýl menińshe, durys emes.
Aijan Dáribaeva, Gúljan máýithannyń qadvokaty:
Osy ispen o bastan ainalysý barysynda birshama zańsyzdyqtardyń bolǵanyn anyq baiqadym. Kelesi sot otyrysy qalai ótetini qazirshe belgisiz. Dese de úmit basym. Bul iske qoǵam bolyp atsalysý arqyly ońtaily sheshýge bolady degen oidamyn. Ózimizdiń zańdyq quqymyzdy barynsha paidalanyp, úzdiksiz kúrese beretin bolamyz.
