QR Ulttyq qaýipsizdik komitetiniń Shekara qyzmeti Qazaqstan azamattary men shekara mańynda ornalasqan aýyl turǵyndarynyń shekaralyq beldeýge kirýge jáne onda bolýǵa ruqsattama berý tártibin túsindirdi, dep habarlaidy vedomstvonyń baspasóz qyzmeti.
Shekara qyzmetine Qazaqstan Respýblikasy azamattarynyń jáne shekara mańynda ornalasqan aýyl turǵyndarynyń shekaralyq beldeýge kirýge jáne onda bolýǵa ruqsattama alý máselesi týraly suraqtar kelip túsken.
QR Ulttyq qaýipsizdik komitetiniń Shekara qyzmeti Shekaralyq beldeýge kirýge jáne onda bolýǵa ruqsattamalar berý qaǵidalaryna Qazaqstan Respýblikasy Úkimetiniń 2019 jylǵy 11 aqpandaǵy №51 qaýlysymen ózgertýler engizilgen.
«Atalǵan jańa ózgeristerge sáikes qazirgi ýaqytta shekaralyq beldeýge kirýge jáne onda bolýǵa ruqsattamalar berý memlekettik qyzmeti elektrondyq formatta júzege asyrylady. Osyǵan bailanysty atalǵan ruqsattamalardy alý úshin qaýlynyń qosymshalarynda kórsetilgen qujat úlgileri boiynsha «elektrondyq úkimet» veb-portaly arqyly (Halyqqa qyzmet kórsetý ortalyqtary nemese EGOV portaly) ótinish berý qajet», delingen habarlamada.
Baspasóz qyzmetiniń habarlaýynsha, qosymsha aqparatty jáne qujat úlgilerin qaýlydan kórýge bolady.
