Qazaqstandyq faiter Shavqat Rahmonov (15-0) UFC-degi úshinshi jekpe-jeginde jeńiske jetti, dep habarlaidy "Ult aqparat".
Ol Las-Vegasta (AQSh, Nevada shtaty) ótken UFC Fight Night 200 týrnirinde gaianalyq Karlston Harrispen (17-4) kúsh synasty. Jartylai orta salmaqta ótken bul kezdesý úsh raýndqa josparlanǵan edi. Degenmen otandasymyz qarsylasyn birinshi raýndta-aq sulatyp túsirdi.
Osylaisha Rahmonov kásibi mansabyndaǵy 15-shi jeńisine qol jetkizdi. Al Karlston bolsa, besinshi ret jeńilis tapty.
Aita keteiik, qazaq sportshysy barlyq jekpe-jegin ýaqytynan buryn aiaqtaǵan.
Buǵan deiin ol sabmishn ádisimen braziliialyq Aleks Oliveirýdy (22-11-1-2) jáne Mishel Prazeristi (26-4) tize búktirgen edi.
