Orta salmaqtaǵy M-1 Global chempiony qazaqstandyq Shavkat Rahmonov 28 maýsym kúni elordada ótetin M-1 Challenge 102 týrnirinde chempiondyq ataǵyn qorǵaidy. Bul týraly «BE STRONG PROMOTION» kompaniiasynyń baspasóz qyzmetinen málim etti, dep habarlaidy QazAqparat tilshisi.
«Kelisimshart talabyna sáikes Shavkat Rahmonov chempiondyq ataǵyn qorǵaǵannan keiin UFC joǵary saiyskerler ligasyna óte alady. Ol áýesqoilar arasynda eń jas álem chempiony atanyp, BATTLE OF NOMADS jáne M-1 Global halyqaralyq promoýshenderinde chempiondyq ataq ielenip, MMA álemdik elitasyna ený quqyǵyna laiyq boldy. Biz aldaǵy jekpe-jekti taǵatsyzdana kútemiz. Shavkat jeke bapkeri Baian Janǵalovpen jekpe-jekke daiyndyqqa kirisip ketti. Aldyn ala aqparatqa sáikes Shavkat Rahmonovtyń qarsylasy braziliialyq Tiago Varejao bolmaq», - dedi Qazaqstannyń MMA birikken federatsiiasynyń vitse-prezidenti Asylbek Dúisenov.
MMA-dan Qazaqstan quramasynyń bas bapkeri, Shavkat Rahmonovtyń jeke bapkeri Baian Janǵalov shákirtiniń aldaǵy jekpe-jekke daiyndyǵyn joǵary baǵalap otyr.
«Bapkerlik mansap jolymda mundai eńbekqor jáne tártipti sportshyny kezdestirgen emespin. Ol barlyq ýaqytta da ózgelerge qaraǵanda kóp jattyǵady. Bul jol da Shavkat 100 paiyz daiyndalady. Jattyǵý protsesinde aldyńǵy qatarly ǵylymi ázirlemelerdi qoldanamyz jáne únemi jetildirip otyrýǵa tyrysamyz», - dedi B.Janǵalov.
Eske sala ketsek, buǵan deiin Shavkat Rahmonovqa álemdegi eń mártebeli UFC promoýshen jekpe-jek ótkizýge usynys jasaǵanyn habarlaǵan bolatynbyz.
