Foto: ala.avia.tips
Almaty halyqaralyq áýejaiyna terminal shatyrynan sý aǵý faktisi boiynsha ákimshilik aiyppul salyndy. Bul týraly Qazaqstan Respýblikasy Kólik ministrligi habarlady.
Ministrlik basshylyǵy, áýejai ákimshiligi jáne quqyq qorǵaý organdary birlesip shuǵyl keńes ótkizdi. Tekserý nátijesinde Azamattyq aviatsiia komiteti áýejaidy Ákimshilik quqyq buzýshylyq týraly kodeks aiasynda jaýapkershilikke tartty.
Sonymen qatar áýejai ishinde jaýapty tulǵaǵa da shara qoldanylǵan. Tehnikalyq máselelerge jetekshilik etetin aǵa vitse-prezident Mehmet Giýzelge tártiptik jaza berilgeni habarlandy.
Almaty International Airport ákimshiligi jolaýshylardan bolǵan qolaisyzdyq úshin keshirim surap, aqaýdy joiý jumystary bastalǵanyn málimdedi. Qalpyna keltirý jáne sý basý sebepterin tolyq anyqtaý jumystary 6 ai ishinde aiaqtalýy josparlanyp otyr.
Kólik ministrligi mundai olqylyqtardyń aldyn alý úshin baqylaý kúsheitiletinin jáne azamattyq aviatsiia nysandarynyń qaýipsiz ári úzdiksiz jumys isteýi qatań qadaǵalanatynyn jetkizdi.
