فوتو: ala.avia.tips
الماتى حالىقارالىق ەۋەجايىنا تەرمينال شاتىرىنان سۋ اعۋ فاكتٸسٸ بويىنشا ەكٸمشٸلٸك ايىپپۇل سالىندى. بۇل تۋرالى قازاقستان رەسپۋبليكاسى كٶلٸك مينيسترلٸگٸ حابارلادى.
مينيسترلٸك باسشىلىعى, ەۋەجاي ەكٸمشٸلٸگٸ جەنە قۇقىق قورعاۋ ورگاندارى بٸرلەسٸپ شۇعىل كەڭەس ٶتكٸزدٸ. تەكسەرۋ نەتيجەسٸندە ازاماتتىق اۆياتسييا كوميتەتٸ ەۋەجايدى ەكٸمشٸلٸك قۇقىق بۇزۋشىلىق تۋرالى كودەكس اياسىندا جاۋاپكەرشٸلٸككە تارتتى.
سونىمەن قاتار ەۋەجاي ٸشٸندە جاۋاپتى تۇلعاعا دا شارا قولدانىلعان. تەحنيكالىق مەسەلەلەرگە جەتەكشٸلٸك ەتەتٸن اعا ۆيتسە-پرەزيدەنت مەحمەت گيۋزەلگە تەرتٸپتٸك جازا بەرٸلگەنٸ حابارلاندى.
Almaty International Airport ەكٸمشٸلٸگٸ جولاۋشىلاردان بولعان قولايسىزدىق ٷشٸن كەشٸرٸم سۇراپ, اقاۋدى جويۋ جۇمىستارى باستالعانىن مەلٸمدەدٸ. قالپىنا كەلتٸرۋ جەنە سۋ باسۋ سەبەپتەرٸن تولىق انىقتاۋ جۇمىستارى 6 اي ٸشٸندە اياقتالۋى جوسپارلانىپ وتىر.
كٶلٸك مينيسترلٸگٸ مۇنداي ولقىلىقتاردىڭ الدىن الۋ ٷشٸن باقىلاۋ كٷشەيتٸلەتٸنٸن جەنە ازاماتتىق اۆياتسييا نىساندارىنىڭ قاۋٸپسٸز ەرٸ ٷزدٸكسٸز جۇمىس ٸستەۋٸ قاتاڭ قاداعالاناتىنىن جەتكٸزدٸ.
