QR Bilim jáne ǵylym ministrligi Sharyn shatqalynda oryn alǵan qaiǵyly oqiǵadan qaza tapqandardyń otbasyna kóńil aitty, dep habarlaidy "Ult aqparat".
«Keshe Sharyn shatqalynda qaiǵyly oqiǵa oryn aldy. Ókinishke orai, kelip túsken aqparatqa sáikes, ekskýrsiiaǵa barǵandardyń arasynda Almaty qalasyndaǵy №199 gimnaziianyń 8 oqýshysy bolǵan. Olardy 5 ata-ana men 3 muǵalim ertip júrgen. Qaiǵyly oqiǵa saldarynan 1 oqýshy men beiindik pán muǵalimi kóz jumdy, taǵy bir oqýshyny izdeý jumystary jalǵasyp jatyr. Qaza bolǵandardyń otbasylaryna qaiǵylaryna ortaqtasyp, kóńil aitamyz jáne zardap shekkenderdiń tezirek saýyǵyp ketýin tileimiz», - delingen ministrlik aqparatynda.
Sonymen qatar vedomstvo ata-analar men muǵalimderge saparǵa shyqqan kezde barynsha saq bolý kerektigin eskertedi.
«Oqý jyly aiaqtalǵan kezde muǵalimder men ata-analar óz saparlaryn josparlap qoiǵan bolar. Osy rette ózderińizge jáne balalaryńyzǵa saq bolýlaryńyzdy suraimyz. Múmkindiginshe abai bolyp, balalarmen demalýǵa ne ekskýrsiiaǵa barǵanda, sý qoimalaryna túspegenińiz abzal. Sonymen birge qaýipti aimaqtarǵa jaqyndamai, árdaiym balalaryńyzdyń janynda bolyńyzdar. Óitkeni Sizdiń ómirińiz ben amandyǵyńyzdan qymbat eshteńe joq», - dep eskertedi Bilim ministrliginen.
