Sharyn shatqalynda selden keiin joǵalyp ketken 11 jastaǵy qyzdy qutqarý sátiniń videosy paida boldy. Video TJM ókiliniń youtube-arnasynda jariialandy, - dep habarlaidy "Ult aqparat".
30 mamyr 09:34-te Sharyn ózeni boiyndaǵy jaǵalaý syzyǵyn sholý ádisimen jerústi izdestirý-qutqarý jumystaryn júrgizý kezinde 2010 jyly týǵan qyz tabyldy.
"Aldyn ala málimet boiynsha qyz jaraqat alǵan, jaǵdaiy ortasha aýyr. Zardap shekken adamǵa bilikti meditsinalyq kómek kórsetý úshin "Qazaviaqutqarý" AQ aviatsiialyq tehnikasyn paidalana otyryp Almaty meditsinalyq mekemesine tasymaldaý máselesi sheshilip jatyr", - dedi TJM ókili.
Eske salaiyq, 29 mamyrda kúndiz Almaty oblysy Uiǵyr aýdanyndaǵy kanonnyń tómengi bóliginde sel júrgeni habarlanǵan bolatyn. Sel tasqyny aýa raiynyń kúrt ózgerýine bailanysty bolǵan. Sharyn shatqalyndaǵy qaiǵyly oqiǵadan alty adam jaraqat alyp, 2 adam qaza tapty. Keiin qaza tapqan eki adamnyń oqýshy men muǵalim ekeni anyqtaldy.
