Qazaqstan Prezidenti Nursultan Nazarbaev halyqaralyq terrorizm jaily óz pikirin bildirdi, - dep habarlaidy kaz.tengrinews.kz tilshisi.
"Halyqaralyq terrorizm keńinen jaiylyp ketti, endigide onyń shekarasy joq. Búginde álemniń kez kelgen elinde shabýyl aimaǵyna ainalýy múmkin. Úshinshi myńjyldyqtyń bastalýymen lańkestik mólsheri jáne sonyń saldarynan qurban bolǵandar sany on esege artty", - dedi Nursultan Nazarbaev jylsaiynǵy úshinshi Astanalyq klýbtyń otyrysynda.
2016 jyly lańkestik áreketter 104 elde boldy, bul degenimiz álemniń teń jartysy. Iaǵni geografiialyq jáne masshtabtyq turǵyda biz úshinshi dúniejúzilik soǵysyndamyz. Sonyń ishinde damýshy jáne damyǵa elderde de lańkestikter bolyp jatyr", - dedi Nazarbaev.
Sonymen qatar, Memleket basshysy jahandyq ásireislamshyl aǵymdardyń taralýy jaily aitty. Onyń aitýynsha terrorlyq uiymdarjańa oryndarda ashylýy múmkin ekenin aitty.
"Álemdik jáne óńirlik derjavalar Taiaý Shyǵystaǵy IGIL lańkestik uiymyna qarsy kúres júrgizip jatqanyna qaramastan, olar basqa da jerlerden uiymdar ashýy múmkin, al bul degenimiz Eýraziia úshin óte qaýipti", - dep qorytyndylady Nazarbaev.
