Túrkistan oblysynyń ákimi Darhan Satybaldynyń halyqtyń áleýmettik osal toptaryna jáne jastarǵa jańa jumys oryndaryn ashý arqyly áleýmettik jaǵdaiyn kóterý boiynsha tapsyrma bergen bolatyn. Bul baǵytta kórshiles elmen tájiribe almasý jumystary da júrip jatyr. Osy tapsyrmaǵa sáikes, Shardara aýdanynda pilottyq joba retinde áleýmettik osal toptaǵy, az qamtamasyz etilgen otbasylardy, kópbalaly otbasylardy, 29 jasqa deiingi jastardy jáne 55-ten asqan zeinet jasyna deiingi adamdardy kásibi oqytyp, jumyspen qamtý maqsatynda Alataý batyr aýyldyq okriginen «Sheber» múgedekter qoǵamy» qoǵamdyq birlestigi 50 adamdy jumyspen qamtityn tigin tsehyn ashty.
Óndiris ornynyń ashylý saltanatyna arnaiy barǵan aýdan ákimi Qairat Joldybai tsehtyń jumysymen tanysyp, kásipkerlerge memleket tarapynan barynsha qoldaý kórsetiletindigin jetkizdi. Sondai-aq óndiris basshylyǵyna alǵys hat tapsyrdy. «Sheber» tigin tsehynyń basshysy Omar Ásenuly óz qoldaýyn bildirgen aýdan basshysyna alǵysyn aityp, óndiris ornyna 200-den astam adamdy jumysqa tartýǵa nietti ekenin atap ótti.
Aldaǵy ýaqytta tsehty keńeitip, qurylysyn salýǵa 200 mln. teńge jáne tsehti qural jabdyqtaryn qamtamasyz etýge 150 mln. teńge investitsiia tartý josparlanýda. Sondai-aq 2023 jyly tigin tsehynyń negizinde tigin klasterin uiymdastyrý kózdelip otyr. Oǵan qosa «Aýyl amanaty» baǵdarlamasy aiasynda 2,5 paiyzdyq shaǵyn nesiemen jáne 400 ailyq eseptik kórsetkish mólsherinde jańa biznes-ideialardy iske asyrýǵa arnalǵan granttardy berý arqyly 190 adamdy jumyspen qamtý mejelengen.
Budan bólek Jaýshyqum aýyldyq okrýginen qus ósirý baǵytynda az qamtamasyz etilgen otbasylardy, kópbalaly otbasylardy, 29 jasqa deiingi jastardy jáne elý bes jastan asqan zeinet jasyna deiingi 55 adamdy kásibi oqytyp, jumyspen qamtý josparlanǵan.
«Óndiris orny aiaqkiim, kiim-keshek jáne tapsyrysqa sáikes kez kelgen taýardy tigýmen ainalysady. Qazaqstan boiynsha kóptegen oblystardy arnaiy áskeri kiim-keshekpen qamtyp otyrmyz. Bizge Túrkiia elinen tájiribeli mamandar kelip, tájiribe almasýda. Qazir jumyspen qamtylyp jatqan jańa tiginshilerdi oqytyp, tájiribeli mamanǵa ainalýyna da yqpal jasaýdamyz. Aldaǵy ýaqytta Shardara aýdanynyń birneshe jerinen tseh ashýdy josparlap otyrmyz», – deidi Omar Ásenuly.
