Foto: 24.kz
Túrkistan oblystyq TJD-niń jeke quramy qyzmeti kúsheitilgen rejimge kóshirildi, dep habarlaidy QazAqparat.
«Kazgidromet» RMK boljamyna sáikes, Túrkistan oblysy aýmaǵynda 31 qańtar men 3 aqpan aralyǵynda jaýyn-shashyn mol jaýyp, aýa temperatýrasy +12 gradýsqa kóterilýi múmkin. Aýa-raiynyń bulaisha kúrt jylýy Syrdariia ózeniniń joǵarǵy aǵysynan kelgen sýdyń kóbeiýi, «Shardara» sý qoimasynyń merziminen buryn tolýyna ákep soǵý múmkin. Sondai-aq oblys aýmaǵynyń taýly jotalarynan bastaý alatyn Arys, Keles, Badam, Boraldai, Aqsý, Shaian ózenderinde sýdyń deńgeii kóterilip, jaǵdaidy kúrdelendirýi yqtimal. Sondyqtan Túrkistan oblystyq TJD jeke quramy da 28 qańtardan bastap qyzmettiń kúsheitilgen túrine aýystyryldy», - delingen departament habarlamasynda.
Oblys aýmaǵynda sý tasqyny jaǵdaiyna baqylaý júrgizý jumystary turaqty túrde júrip jatyr. Sońǵy aptada oblys aýmaǵynda 51 shaqyrym kanal, 31 shaqyrym aryq-atyzdar mehanikalyq tazartýdan ótkizildi. Bógen ózeninde 4,2 shaqyrym jaǵa bekitý, nyǵaitý jumystary júrgizildi, Sondai-aq 14 shaqyrym qashyrtqy arnalardyń túbi tereńdetilip, keńeitildi. Otyrar aýdany aýmaǵyndaǵy Syrdariia ózeni boiyndaǵy qorǵanys dambalary 10 jerinen nyǵaityldy. Bul baǵyttaǵy jumystar jalǵasyn tabýda. Qum toltyrylǵan qaptyń sany 48 myńǵa jetkizilip, inertti materialdardyń qory arttyrylýda. 144 dana motopompa daiyndaldy. Syrdariia ózeniniń aǵyny kúndelikti baqylaýǵa alyndy.
«Qazirgi kezde «Shardara» sý qoimasynda 4 mlrd 409 mln tekshe metrden astam sý jinalǵan. Iaǵni, sý qoimasy 85%-ǵa tolǵan. Bul ótken jyldyń tiisti kezeńimen salystyrǵanda 1 mlrd tekshe metrge artyq. Al, «Kóksarai» sý rettegishine ótken jylmen salystyrǵanda 1157 mln. tekshe metrden artyq sý jinalǵan. Syrdariia ózeni arqyly «Shardara» sý qoimasyna kórshi elderden ortasha eseppen sekýndyna 1500 tekshe metr sý kelip, sý qoimanyń tómengi aǵysyna 1111 m3/sek sý shyǵarylýda», - dep tolyqtyrdy uiym.
