Túrkistan oblysyndaǵy Shardara sý elektr stantsiiasynda jańa agregattar iske qosylady. Sýdan qýat óndiretin kásiporyn qazir túbegeili jańǵyrtý baǵdarlamasy arqyly jumys bastaǵan. 2020 jyldyń naýryz aiyna deiin 4 sý agregatynyń barlyǵy jańartylady, dep habarlaidy 24.kz.
Olar Keńes kezeńinen kele jatqan eski týrbinalar. Shamamen jarty ǵasyrdan beri jumys istep tur. 4 gidroagregat iske qosylsa, onda saǵatyna 126 MVt, al táýligine 3 million 24 myń kVt saǵat tok óndiriledi. Shardara sý elektr stantsiiasy qazirdiń ózinde qoldanystaǵy 2 sý agregatymen saǵatyna 50 MVt toq óndirýde. Sý qoimasynda 2 milliard 807 million tekshe metr sý bar.
«Qazir tirshilik nárin qorǵa jinaityn kezeń», – deidi mamandar. Al sý elektr stantsiiasynda túbegeili jańǵyrtý jumysy qarqyn alǵan. Munda tórt sý agregatynyń birinshisi paidalanýǵa beriledi. Tehnologiialyq jabdyqtyń synaǵy oidaǵydai aiaqtalǵan. Endi negizgi qurylys-montaj jumystary júrgizilýde.
Baqytbek Jańabaev, Shardara sý elektr stantsiiasynyń basshysy: «Shardara sý elektr stantsiiasynyń jalpy qýattylyǵy qazirgi tańda 100 MVt. Al túbegeili jańǵyrtý jumystarynan ótken soń, stantsiiada qýat óndirý 126 MVt ulǵaiady. Mundaǵy ár sý agregaty qazir 20 MVt toq berse, jańǵyrtýdan soń 32-35 MVt qýat óndire alatyn bolady. Maqsatymyz – otandyq elektr energiia salasyna óz úlesimizdi qosý».
Sý elektr stantsiiasyn jańǵyrtý jobasyna 38 milliard teńge qarjy qarastyrylǵan. Gidroagregattardy almastyrý isimen birikken avstriialyq-germaniialyq merdiger mekeme ainalysýda. Birinshi sý agregatyn iske qosýmen birge munda ekinshi agregat boiynsha qurylys jumystary qatar júrýde. Ony birinshisi iske qosylǵannan keiin ornatady. Sosyn úshinshisi ornynan alynady. Bekitilgen kestege sai, bul kezeńde birinshi jáne tórtinshi eski agregat jumys istep turady. Osy tásilmen tórt sý agregatynyń bárin de jańartý kózdelgen.
Sergei Sahovskii, merdiger kompaniianyń ókili: «Joba aiasynda biz birinshi agregatty tolyǵymen qosýǵa daiyndadyq. Qazir qorytyndy tekserý jumystaryn jasaýdamyz. Al ekinshi gidroagregattyń negizgi qurylys-montaj jumystary júrýde. Aldaǵy bir jarym aida biz ekinshi agregat boiynsha márege jetemiz dep oilaimyn».
Shardara sý elektr stantsiiasynyń tarihy tereńde. 1967 jyly paidalanýǵa berilgen. Normativ boiynsha qyzmet etý merzimi 25 jyl bolsa, stantsiianyń tehnologiialyq jabdyǵy 50 jyldan astam ýaqyt boiy úzdiksiz jumys istep keledi. Al jabdyqtyń tozýy shamamen 100%-ke jetken. Aldaǵy ýaqytta jańǵyrtýdan ótken soń elektr stantsiianyń qýaty 26 paiyzǵa ósetin bolady. Munda jyl saiyn qosymsha 57 million kVt/saǵat elektr energiiasy óndiriledi. Jańa jabdyq sý stantsiiasynyń qyzmet etý merzimin 35-40 jylǵa deiin uzartady.
