«Astana» halyqaralyq qarjy ortalyǵy kelesi jyldan bastap tolyqqandy jumys istei bastaidy. Qazirgi kezde Ortalyqtyń quqyqtyq jumystary aiaqtalýǵa jaqyn. Bul týraly QR Investitsiialar jáne damý ministri Jeńis Qasymbek málim etti, dep habarlaidy Ult.kz tilshisi QazAqparat agenttigine silteme jasap.
«Halyqaralyq qarjy ortalyǵynyń birjasyn qurý jumystary da aiaqtalyp keledi. Negizgi áriptester de anyqtaldy. Shanhai birjasy jańa birjanyń basty aktsioneri bolmaq. Osynyń arqasynda Qytaidyń investitsiiasyn keńinen tartýǵa múmkindik bar. Al AQSh-tyń NASDAQ birjasy tehnologiialyq platformany jasaqtaityn bolady. NASDAQ da jańa birjanyń kapitalyna kirý máselesin qarastyryp jatyr», - dedi J. Qasymbek QR Prezidenti janyndaǵy Sheteldik investorlar keńesiniń búgingi otyrysynda.
Ministrdiń aitýynsha, aǵymdaǵy jyldyń tórtinshi toqsanynda «Astana» halyqaralyq qarjy ortalyǵynyń birjasy alǵashqy saýda-sattyqty júrgizýge daiyn bolady. Sonyń negizinde «Samuryq-Qazynanyń» iri aktivterin jekeshelendirý jumysy atqarylady.
«Budan bólek, «Astana» halyqaralyq qarjy ortalyǵy islam jáne «jasyl» investitsiialardyń aimaqtyq habyna ainalady. Al 2018 jyly 300 mln dollar kóleminde «sýkýk» atty islam qundy qaǵazdaryn shyǵarý josparlanyp otyr», - dep atap kórsetti Jeńis Qasymbek.
