Elordada ótip jatqan jiynda qazirgi muǵalimder qandai bolýy kerektigi aityldy, dep habarlaidy "Ult aqparat".
«Bizde jyl saiyn osyndai konferentsiia uiymdastyrady. Biyl mektep álemin jańǵyrtatyn muǵalimder máselesi jan-jaqty talqylanýda. Muǵalimniń ózi oqýshylar, ata-analar jáne qoǵamda jańa kózqaras qalyptastyra bastady. Biz bilim berý júiesin damytyp, onyń syrtqy kúshter áserinen sapasyn joǵaltpaý jaǵyn qamtamasyz etý úrdisin barlyq mektepterde qalyptastyrýymyz kerek», - dedi «Nazarbaev ziiatkerlik mektepteri» derbes bilim berý uiymynyń basqarma tóraǵasy Kúlásh Shámshidinova «Mektep álemin ózgertetin – ustazdar» konferentsiiasynda.
Ol qazirgi zamanǵa sai muǵalim kelbeti qandai bolýy kerektigin aitty.
«Ýaqytty tiimdi paidalanatyn, mindetterdi naqty anyqtai alatyn, túiindi máselelerdi sheshýdiń tiimdi joldaryn tez tabatyn, óziniń mindeti úshin tolyq jaýapkershilik ala alatyn kóshbasshy bolýy tiis», - dedi tóraǵa.
