Bilim jáne ǵylym ministri Kúlásh Shámshidinova joǵary oqý oryndarynda sybailas jemqorlyqqa qarsy kúres qalai júrgizilip jatqanyn aityp berdi, dep habarlaidy Sputnik Qazaqstan tilshisi.
Shámshidinovanyń aitýynsha, bilim jáne ǵylym ministrligi bilim júiesin tolyǵymen elektrondy formatqa kóshirýdi josparlap otyr.
"Diplom berý, diplom alý – barlyǵy elektrondy formatqa kóshiriledi. Sonda ǵana jemqorlyqqa jol berilmeidi. Eger elektrondy formatta bolsa, baqylaý bolady", - dedi ministr jýrnalisterge.
Sondai-aq, ol joǵary oqý oryndarynda sybailas jemqorlyqqa qarsy is-qimyl boiynsha jańa kýrs engizilip jatqanyn atap ótti.
"Biz bul jumysty bastap kettik. Biyl saýalnama júrgizgen kezde, balalardyń 70%-ten astamy jemqorlyqpen betpe-bet kelmegenin aitty. Biraq qalǵan protsent bizdi áli de alańdatady, sondyqtan bul baǵytta jumysty jalǵastyramyz", - dep sendirdi Shámshidinova.
Buǵan qosa, ministr emtihan jumystaryn anonimdi tekserý júiesin engizý, barlyq jumysty antiplagiatqa tekserý jemqorlyqqa tosqaýyl bolatynyn aitty.
