Prezident Qasym-Jomart Toqaev Shámshi Qaldaiaqovqa joǵary dárejeli erekshelik belgisi – "Qazaqstannyń Eńbek Eri" ataǵyn berý týraly Jarlyqqa qol qaidy, dep habarlaidy Aqordanyń baspasóz qyzmeti.
"Qazaq halqynyń mýzyka ónerin damytýdaǵy airyqsha eńbegi úshin kompozitor Shámshi Qaldaiaqovqa (marqum) joǵary dárejeli erekshelik belgisi – "Qazaqstannyń Eńbek Eri" ataǵy berilip, airyqsha erekshelik belgisi – Altyn juldyz ben "Otan" ordeni tapsyrylsyn", - delingen Jarlyqta.
Shámshi Qaldaiaqov 1930 jyly 15 tamyzda qazirgi Túrkistan oblysy Otyrar aýdany Sháýildir aýylynda dúniege kelgen. Halqyn súigen, halqy súigen sazger 1992 jyldyń 29 aqpanynda kóz jumdy.
Shámshi Qaldaiaqov artynan 300-ge jýyq án jazyp qaldyrdy. Syrǵa toly, muńǵa toly názik, yrǵaqty ánderi qazaq dalasyn alaqanyna salyp aialap, áli de terbetip keledi.
