Foto: Qazaqstan.tv
«Qazaqstan» teleradiokorporatsiiasy ulttyq mádeniet pen óner tarihynan syr shertetin «Sham túbindegi shyndyq» jańa tarihi-dramalyq telehikaiasyn usynady, dep habarlaidy Ult.kz.
Telehikaia Qazaq teatrynyń 100 jyldyǵyna arnalǵan. Úsh bólimdi serial arqyly kórermender sol kezdegi astana Qyzylorda qalasynda 1925 jyly qurylǵan tuńǵysh ulttyq qazaq teatrynyń tarihymen, óner ordasynyń Almatyǵa kóshirilýi kezindegi kórnekti rejisser Jumat Shaninniń eńbegimen tanysady.
Tarihi telehikaiada 1927 jyly Máskeýde ótken etnografiialyq kontserttegi qazaq ziialylarynyń óner kórsetýi jáne sol kezdegi Qalybek Qýanyshbaev, Ámire Qashaýbaev, Kúlásh Baiseiitova, Serke Qojamqulov bastaǵan qazaq delegatsiiasy quramyndaǵy qairatkerlerdiń róli jan-jaqty kórsetiledi.
Telehikaianyń qoiýshy-rejisseri – Jasulan Poshanov. Basty róldegi Jumat Shaninniń jas kezin Ǵalym Ospanov, eseigen shaǵyn Azamat Esqulov oinaidy. Serke Qojamqulovtyń beinesin Jandáýlet Batai, Ámire Qashaýbaevty Birjan Báziljanov, Qalybek Qýanyshbaevty Almas Shaiahmetov somdaidy. Al Kúlásh Baiseiitovanyń rólinde kórermen Inabat Rizabekovany kóre alady.
Tarihi oqiǵalarmen qaita qaýyshtyratyn «Qazaqstan» telearnasynyń efirinen 27 naýryzda kórsetiledi.
