QR Parlament Májilisiniń búgingi otyrysynda depýtat Sergei Zvolskii uialy bailanys operatorlarynyń shyǵyndaryn el biýdjetinen óteý máselesin kóterdi. Aldaǵy eki jylda osy maqsatta qosymsha 1 mlrd. teńgege jýyq qarjy bólinbekshi. Osyǵan bailanysty S.Zvolskii uialy bailanys jelilerin keńinen damytý arqyly biýdjet shyǵyndaryn barynsha azaitýdy usynyp, osy másele boiynsha QR Aqparat jáne kommýnikatsiialar ministri Dáýren Abaevtyń jaýap berýin surady, dep xabarlaidy Ult.kz tilshisi Baq.kz portalyna silteme jasap.
"Qazirgi kezde biz uialy operatorlarǵa sýbsidiiany ne úshin bólip otyrmyz? Bul jerde bir máseleni túsinip alý qajet, uialy bailanys operatorlarynyń shyǵyndary tek 500+ (abonentterdiń sany-avt) kórsetkishi bar eldi mekenderde ǵana aqtalady. Al 50+ kórsetkishi bar aýyldarǵa olar barǵysy kelmeidi. Sol sebepti biz qosymsha sýbsidiia berip, ondai aýyldardy uialy bailanyspen qamtamasyz etýge tyrysyp kelemiz" , - deidi D.Abaev.
Onyń sózine qaraǵanda, búginde aýyldarǵa keń jolaqty ǵalamtor tartý baǵdarlasy aiasynda da bul máseleni sheshý jumystary atqarylyp jatyr. Ministrlik uialy bailanys oparetorlarynyń shyǵyndaryn aqtaý kórsetkishin kóterýdi kózdeidi. Sonyń arqasynda sýbsidiialardyń kólemin azaitýǵa bolady.
