Soltústik Qazaqstan oblysyndaǵy Shal aqyn aýdanyn búginnen bastap Rahat Smaǵulov basqarady. Jańa ákimdi óńir basshysy Qumar Aqsaqalov aýdan aktivine tanystyrdy, dep habarlaidy QazAqparat.
Rahat Nazymbekuly Smaǵulov - Reseidiń Omby oblysynyń týmasy. 1982 jyly Esilkól aýdanyndaǵy Qasqat eldimekeninde dúniege kelgen.
Omby memlekettik agrarlyq ýniversitetin «agronomiia» mamandyǵy boiynsha bitirgen.
Eńbek jolyn 2004 jyly týǵan aýylynda - Qasqat selolyq ákimshiliginde maman bolyp bastady.
2005-2015 jyldar aralyǵynda oblystyń aýyl sharýashylyǵy salasynda jergilikti atqarýshy bilik organdarynda túrli qyzmetter atqardy.
2015-2019 jyldary M. Jumabaev aýdany ákiminiń orynbasary boldy.
Osy taǵaiyndalýǵa deiin Qazaqstan Respýblikasy Aýyl sharýashylyǵy ministrliginiń agroónerkásip komitetiniń oblystyq aýmaqtyq inspektsiiasynyń jetekshisi laýazymynda boldy.
Búgin Qumar Aqsaqalov sondai-aq, Ýálihanov aýdanynda bolyp, aýdan aktivine jańa ákimdi tanystyrdy.
