سولتٷستٸك قازاقستان وبلىسىنداعى شال اقىن اۋدانىن بٷگٸننەن باستاپ راحات سماعۇلوۆ باسقارادى. جاڭا ەكٸمدٸ ٶڭٸر باسشىسى قۇمار اقساقالوۆ اۋدان اكتيۆٸنە تانىستىردى, دەپ حابارلايدى قازاقپارات.
راحات نازىمبەكۇلى سماعۇلوۆ - رەسەيدٸڭ ومبى وبلىسىنىڭ تۋماسى. 1982 جىلى ەسٸلكٶل اۋدانىنداعى قاسقات ەلدٸمەكەنٸندە دٷنيەگە كەلگەن.
ومبى مەملەكەتتٸك اگرارلىق ۋنيۆەرسيتەتٸن «اگرونومييا» ماماندىعى بويىنشا بٸتٸرگەن.
ەڭبەك جولىن 2004 جىلى تۋعان اۋىلىندا - قاسقات سەلولىق ەكٸمشٸلٸگٸندە مامان بولىپ باستادى.
2005-2015 جىلدار ارالىعىندا وبلىستىڭ اۋىل شارۋاشىلىعى سالاسىندا جەرگٸلٸكتٸ اتقارۋشى بيلٸك ورگاندارىندا تٷرلٸ قىزمەتتەر اتقاردى.
2015-2019 جىلدارى م. جۇماباەۆ اۋدانى ەكٸمٸنٸڭ ورىنباسارى بولدى.
وسى تاعايىندالۋعا دەيٸن قازاقستان رەسپۋبليكاسى اۋىل شارۋاشىلىعى مينيسترلٸگٸنٸڭ اگروٶنەركەسٸپ كوميتەتٸنٸڭ وبلىستىق اۋماقتىق ينسپەكتسيياسىنىڭ جەتەكشٸسٸ لاۋازىمىندا بولدى.
بٷگٸن قۇمار اقساقالوۆ سونداي-اق, ۋەليحانوۆ اۋدانىندا بولىپ, اۋدان اكتيۆٸنە جاڭا ەكٸمدٸ تانىستىردى.
