Foto: Polisia.kz
Shákirtaqysyn oiynǵa tikken shymkenttik stýdent saiabaqqa kelýshini tonap ketken, – dep habarlaidy Polisia.kz.
"Turan APB-nyń “102” arnasyna túngi ýaqytta telefon urlyǵy týraly aryz tústi. Qurbysymen saiabaqqa serýendeýge barǵan azamatsha quny 150 myń teńge turatyn smartfonynan aiyrylyp qalǵanyn jetkizdi.
Beitanys jigit aldymen jábirlenýshiniń qurbysynan sóilesip alý úshin gadjetin ýaqytsha surap, izdegen adamymen bailanysa almaǵan soń keri qaitaryp bergen. Keiin internet arqyly habarlasyp kórý úshin, ekinshi boijetkenniń telefonyn alyp, birden qasha jónelgen.
Oqiǵa ornyna dereý ýchaskelik politsiia qyzmetkerleri bardy. Olar jergilikti turǵynnyń sipattamasy boiynsha er adamnyń qashqan baǵytyn anyqtap, jedel izdestirý sharalaryn júrgizdi. Atqarylǵan jumystardyń nátijesinde kúdikti 3 saǵattan soń qala kósheleriniń birinde ustalyp, politsiia basqarmasyna jetkizildi" - delingen habarlamada.
Belgili bolǵandai, stýdent anasyna berýge kelisken shákirtaqysyn oiynǵa tigip utylyp qalǵany, keiin sol aqshany ornyna qoiý úshin amalsyz osyndai qadamǵa barǵany anyqtaldy. Ol urlanǵan múlikti lombardqa ótkizýdi josparlaǵan.
Qazirgi tańda smartfon zańdy iesine qaitarylǵan.
Atalǵan jaitqa qatysty QR QK-niń 191-baby (Tonaý) boiynsha sotqa deiingi tergeý amaldary júrgizilip jatyr.
