فوتو: Polisia.kz
شەكٸرتاقىسىن ويىنعا تٸككەن شىمكەنتتٸك ستۋدەنت ساياباققا كەلۋشٸنٸ توناپ كەتكەن, – دەپ حابارلايدى Polisia.kz.
"تۇران اپب-نىڭ “102” ارناسىنا تٷنگٸ ۋاقىتتا تەلەفون ۇرلىعى تۋرالى ارىز تٷستٸ. قۇربىسىمەن ساياباققا سەرۋەندەۋگە بارعان ازاماتشا قۇنى 150 مىڭ تەڭگە تۇراتىن سمارتفونىنان ايىرىلىپ قالعانىن جەتكٸزدٸ.
بەيتانىس جٸگٸت الدىمەن جەبٸرلەنۋشٸنٸڭ قۇربىسىنان سٶيلەسٸپ الۋ ٷشٸن گادجەتٸن ۋاقىتشا سۇراپ, ٸزدەگەن ادامىمەن بايلانىسا الماعان سوڭ كەرٸ قايتارىپ بەرگەن. كەيٸن ينتەرنەت ارقىلى حابارلاسىپ كٶرۋ ٷشٸن, ەكٸنشٸ بويجەتكەننٸڭ تەلەفونىن الىپ, بٸردەن قاشا جٶنەلگەن.
وقيعا ورنىنا دەرەۋ ۋچاسكەلٸك پوليتسييا قىزمەتكەرلەرٸ باردى. ولار جەرگٸلٸكتٸ تۇرعىننىڭ سيپاتتاماسى بويىنشا ەر ادامنىڭ قاشقان باعىتىن انىقتاپ, جەدەل ٸزدەستٸرۋ شارالارىن جٷرگٸزدٸ. اتقارىلعان جۇمىستاردىڭ نەتيجەسٸندە كٷدٸكتٸ 3 ساعاتتان سوڭ قالا كٶشەلەرٸنٸڭ بٸرٸندە ۇستالىپ, پوليتسييا باسقارماسىنا جەتكٸزٸلدٸ" - دەلٸنگەن حابارلامادا.
بەلگٸلٸ بولعانداي, ستۋدەنت اناسىنا بەرۋگە كەلٸسكەن شەكٸرتاقىسىن ويىنعا تٸگٸپ ۇتىلىپ قالعانى, كەيٸن سول اقشانى ورنىنا قويۋ ٷشٸن امالسىز وسىنداي قادامعا بارعانى انىقتالدى. ول ۇرلانعان مٷلٸكتٸ لومباردقا ٶتكٸزۋدٸ جوسپارلاعان.
قازٸرگٸ تاڭدا سمارتفون زاڭدى يەسٸنە قايتارىلعان.
اتالعان جايتقا قاتىستى قر قك-نٸڭ 191-بابى (توناۋ) بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
