Foto: Polisia.kz
Shahtinskide politseiler besinshi qabattan sekirmek bolǵan turǵyndy qutqaryp qaldy, - dep habarlaidy "Ult aqparat" Polisia.kz basylymyna silteme jasap.
Basylym málimetinshe, 1 mamyrda saǵat 14.00 shamasynda Qaraǵandy oblysy Shahtinsk qalalyq politsiia bólimine kópqabatty úidiń besinshi qabatynan áieldiń sekirmekshi bolyp turǵany týraly habarlama kelip túsken. Tez arada oqiǵa ornyna patrýldik politsiia vzvodynyń inspektorlary Dýlat Sitahmetov pen Ernaz Óskenbai jetken.
"Áriptesim ekeýmiz besinshi qabattyń dálizindegi terezede otyryp, ómir súrgim kelmeidi dep aiqailaǵan áieldi kórdik. Terezeniń jaqtaýy qysqa bolǵandyqtan, eger áiel yńǵaisyz qozǵalys jasasa, qaiǵyly jaǵdaidyń bolý qaýpiniń aldyn ala almas edik. Sondyqtan men syrtta qalyp, qulap ketken jaǵdaida qaýiptiń aldyn alýǵa daiyndalyp turdym. Al Dýlat satymen ishke kóterilip, turǵyndy áńgimege tartty. Oǵan bári jaqsy bolatynyn, emotsiiaǵa berilmeý kerektigin barynsha aityp, túsindirdi. Tereze qysqa bolǵandyqtan azamatshaǵa jaqyndaý qiyndyq týdyrdy. Bir kezde Dýlat áieldiń qolyn sozýǵa kóndirip, keiin birden shap berip, ishke tartyp aldy", - dedi Ernaz Óskenbai.
