فوتو: Polisia.kz
شاحتينسكٸدە پوليتسەيلەر بەسٸنشٸ قاباتتان سەكٸرمەك بولعان تۇرعىندى قۇتقارىپ قالدى, - دەپ حابارلايدى "ۇلت اقپارات" Polisia.kz باسىلىمىنا سٸلتەمە جاساپ.
باسىلىم مەلٸمەتٸنشە, 1 مامىردا ساعات 14.00 شاماسىندا قاراعاندى وبلىسى شاحتينسك قالالىق پوليتسييا بٶلٸمٸنە كٶپقاباتتى ٷيدٸڭ بەسٸنشٸ قاباتىنان ەيەلدٸڭ سەكٸرمەكشٸ بولىپ تۇرعانى تۋرالى حابارلاما كەلٸپ تٷسكەن. تەز ارادا وقيعا ورنىنا پاترۋلدٸك پوليتسييا ۆزۆودىنىڭ ينسپەكتورلارى دۋلات سيتاحمەتوۆ پەن ەرناز ٶسكەنباي جەتكەن.
"ەرٸپتەسٸم ەكەۋمٸز بەسٸنشٸ قاباتتىڭ دەلٸزٸندەگٸ تەرەزەدە وتىرىپ, ٶمٸر سٷرگٸم كەلمەيدٸ دەپ ايقايلاعان ەيەلدٸ كٶردٸك. تەرەزەنٸڭ جاقتاۋى قىسقا بولعاندىقتان, ەگەر ەيەل ىڭعايسىز قوزعالىس جاساسا, قايعىلى جاعدايدىڭ بولۋ قاۋپٸنٸڭ الدىن الا الماس ەدٸك. سوندىقتان مەن سىرتتا قالىپ, قۇلاپ كەتكەن جاعدايدا قاۋٸپتٸڭ الدىن الۋعا دايىندالىپ تۇردىم. ال دۋلات ساتىمەن ٸشكە كٶتەرٸلٸپ, تۇرعىندى ەڭگٸمەگە تارتتى. وعان بەرٸ جاقسى بولاتىنىن, ەموتسيياعا بەرٸلمەۋ كەرەكتٸگٸن بارىنشا ايتىپ, تٷسٸندٸردٸ. تەرەزە قىسقا بولعاندىقتان ازاماتشاعا جاقىنداۋ قيىندىق تۋدىردى. بٸر كەزدە دۋلات ەيەلدٸڭ قولىن سوزۋعا كٶندٸرٸپ, كەيٸن بٸردەن شاپ بەرٸپ, ٸشكە تارتىپ الدى", - دەدٸ ەرناز ٶسكەنباي.
