«ArselorMittal Temirtaý» kompaniiasynyń basshylyǵy qaza tapqan kenshi Nikolai Shadirovtyń otbasyna barlyq qajetti kómekti kórsetýge ýáde berdi, dep habarlaidy "Ult aqparat".
Kompaniianyń resmi saitynda «ArselorMittal Temirtaý» AQ ujymy men basshylyǵy Lenin atyndaǵy shahtada bolǵan oqiǵadan qaza tapqan burǵylaý qondyrǵysynyń mashinisi Nikolai Shadirovtyń týystary men jaqyndaryna shyn júrekten kóńil aitatyny týraly habarlama keltirilgen.
Kompaniia qaza tapqan kenshiniń otbasyna Qazaqstan Respýblikasynyń zańnamasyna jáne ujymdyq shartqa tolyq sáikes barlyq qajetti kómek pen qoldaý kórsetetini týraly jazǵan.
Nikolai Shadirov, burǵylaý qondyrǵysynyń 5-shi razriadty jerasty mashinisi, kompaniianyń kómir departamentiniń «Spetsshahtomontajdegazatsiia» basqarmasynda 16 jyl, onyń ishinde 15 jyl burǵylaý qondyrǵysynyń mashinisi bolyp jumys istedi.
Buǵan deiin habarlanǵandai, 13 qańtarda keshke Lenin shahtasynda burǵylaý jumystary kezinde gaz ben kómir atyndysy oryn aldy. Oqiǵa kezinde shahtada 3-shi aýysymnyń 137 qyzmetkeri bolǵan. Burǵylaý qondyrǵysynyń mashinisinen basqa barlyq kenshilerdi shahtanyń betine shyǵarý múmkin boldy.
Oqiǵany tergeý boiynsha memlekettik komissiia quryldy.
