31 tamyzda tańǵy ýaqytta Qaraǵandy oblysynyń Shahtinsk qalasynda "Arselor Mittal Temirtaý" kompaniiasyna tiesili "Kazahstanskaia" shahtasynda tótenshe jaǵdai boldy. Bul týraly "Ult aqparat" QR IIM Tótenshe jaǵdailar komitetiniń resmi ókili Rýslan Imanqulovqa silteme jasap habarlaidy.
Tańǵy tórt shamasynda kenetten metan aýaǵa taraǵan. "Shahtada aldyn ala málimet boiynsha 136 adam bolǵan. Sonymen qatar, boljammen apat jaǵdaiy bolǵan jerde tórt adam qalyp qoiǵan. Qolda bar málimet boiynsha, shahtadan úsh adamnyń máiiti tabylǵan", - delingen habarlamada.
Tańǵy saǵat 7-de qaza tapqandardyń denesin joǵaryǵa shyǵaryp, evakýatsiialaý bastaldy. 7 saǵat 05 minýtta shahtanyń barlyq jumysshylary - 130 adam jerdiń betine shyǵaryldy. Tek úsh jumysshy apattyq-qutqarý jumystaryn júrgizdi.
Qaza tapqandar jaily málimet:
1. Ahmetjanov Rýstam Renatuly, 23.03.1983j., úilengen, 3 balasy bar.
2. Rýdenko Valerii Valentinovich, 18.05.1980 j., úilengen, 2 balasy bar.
3. Shebanov Maksim Sergeevich, 24.05.1986 j., úilengen, 1 balasy bar.
Bul jumystarǵa Qazaqstan Respýblikasy Investitsiialar jáne damý ministrligi Indýstrialdyq damý jáne ónerkásip qaýipsizdigi komitetiniń «Kásibi áskerilendirilgen apattyq qutqarý qyzmeti» RMK Qaraǵandy men Shahtinskidegi 7 bólimshesiniń 60 adamy men 9 tehnikasy tartyldy.
