31 تامىزدا تاڭعى ۋاقىتتا قاراعاندى وبلىسىنىڭ شاحتينسك قالاسىندا "ارسەلور ميتتال تەمٸرتاۋ" كومپانيياسىنا تيەسٸلٸ "كازاحستانسكايا" شاحتاسىندا تٶتەنشە جاعداي بولدى. بۇل تۋرالى "ۇلت اقپارات" قر ٸٸم تٶتەنشە جاعدايلار كوميتەتٸنٸڭ رەسمي ٶكٸلٸ رۋسلان يمانقۇلوۆقا سٸلتەمە جاساپ حابارلايدى.
تاڭعى تٶرت شاماسىندا كەنەتتەن مەتان اۋاعا تاراعان. "شاحتادا الدىن الا مەلٸمەت بويىنشا 136 ادام بولعان. سونىمەن قاتار, بولجاممەن اپات جاعدايى بولعان جەردە تٶرت ادام قالىپ قويعان. قولدا بار مەلٸمەت بويىنشا, شاحتادان ٷش ادامنىڭ مەيٸتٸ تابىلعان", - دەلٸنگەن حابارلامادا.
تاڭعى ساعات 7-دە قازا تاپقانداردىڭ دەنەسٸن جوعارىعا شىعارىپ, ەۆاكۋاتسييالاۋ باستالدى. 7 ساعات 05 مينۋتتا شاحتانىڭ بارلىق جۇمىسشىلارى - 130 ادام جەردٸڭ بەتٸنە شىعارىلدى. تەك ٷش جۇمىسشى اپاتتىق-قۇتقارۋ جۇمىستارىن جٷرگٸزدٸ.
قازا تاپقاندار جايلى مەلٸمەت:
1. احمەتجانوۆ رۋستام رەناتۇلى, 23.03.1983ج., ٷيلەنگەن, 3 بالاسى بار.
2. رۋدەنكو ۆالەريي ۆالەنتينوۆيچ, 18.05.1980 ج., ٷيلەنگەن, 2 بالاسى بار.
3. شەبانوۆ ماكسيم سەرگەەۆيچ, 24.05.1986 ج., ٷيلەنگەن, 1 بالاسى بار.
بۇل جۇمىستارعا قازاقستان رەسپۋبليكاسى ينۆەستيتسييالار جەنە دامۋ مينيسترلٸگٸ يندۋستريالدىق دامۋ جەنە ٶنەركەسٸپ قاۋٸپسٸزدٸگٸ كوميتەتٸنٸڭ «كەسٸبي ەسكەريلەندٸرٸلگەن اپاتتىق قۇتقارۋ قىزمەتٸ» رمك قاراعاندى مەن شاحتينسكٸدەگٸ 7 بٶلٸمشەسٸنٸڭ 60 ادامى مەن 9 تەحنيكاسى تارتىلدى.
