Qazaqstan álemdik shahmat arenasynda neshinshi orynda tur? Bul suraqqa ortalyq kommýnikatsiialar qyzmetinde ótken brifing kezinde Qazaqstan shahmat federatsiiasynyń atqarýshy direktory Ánýar Esmaǵambetov jaýap berdi, dep habarlaidy QazAqparat.
«Erler men áielder arasynda kórsetkishter boiynsha aiyrmashylyq bar. Erler quramasy 40-shy orynda bolsa, áielder quramasy – úzdik ondyqta. Ókinishke qarai, balalar arasynda mundai kórsetkish joq. Biraq men elimizde shahmatshylardyń jaqsy býyny ósip kele jatqanyn aita alamyn. Bizdiń shahmatshy balalar álem chempionattarynan medalsyz oralyp kórgen joq», - dedi Ánýar Esmaǵambetov.
Sondai-aq, ol Qazaqstannyń shahmat federatsiiasy el qorjynyna eń kóp medal salatyn jetekshi federatsiialardyń biri ekenin jetkizdi.
«Mysaly, 2019 jyly shahmattan resmi álem chempionattary men balalar arasyndaǵy tikelei týrnirlerge shekteý bolmai turǵan kezde Qazaqstan quramasy medaldar sany boiynsha úshinshi orynǵa ie bolǵan edi. Qazaqstanmen bári sanasady. Oqý-jattyǵý jiyndaryn ótkizip, shahmatshylardy shákirtaqymen yntalandyryp otyrý úshin, jaqsy mamandardy shaqyrtyp, oiynshylardyń deńgeiin kóterý úshin qoldaý men qarajat kerek ekenin qaitalap aitqym keledi», - dedi federatsiia basshysy.
