Qazaqstan shahmat federatsiiasynyń biylǵy birinshi jartyjyldyqtaǵy kirisi - 192 mln teńge, al shyǵysy 175 mln teńge boldy. Bul týraly federatsiianyń vitse-prezidenti Dármen Sádýaqasov jýrnalistermen kezdesý barysynda málim etti, dep habarlaidy QazAqparat.
Spikerdiń sózinshe, 192 mln teńgeniń 93 milliony jekemenshik demeýshiler esebinen jinaldy. Al 74 mln teńge memleketten berildi. Bul qarajat áielder arasyndaǵy Gran-pri kezeńine bólingen. 15 mln teńge – týrnirlerge qatysqan shahmatshylardyń jarnasy. 8 mln astam teńge - basqa tabys kózderinen.
Shyǵyndar 175 mln teńgeni qurady. Bul qarajat qyzmetkerlerdiń eńbekaqy qoryna, mindetti zeinetaqy jarnalaryna jáne áleýmettik meditsinalyq saqtandyrýǵa, áielder Gran-pri kezeńin ótkizýge, Qazaqstanda týrnirlerdi uiymdastyrý men ótkizýge, MÁMS jáne FIDE aýdarymdaryna, issapar shyǵyndaryna jáne taǵy basqaǵa baǵyttaldy.
Dármen Sádýaqasov demeýshilik tólemderdiń sportshylardy qoldaýǵa baǵyttalǵanyn da aitty.
«Bul jerde, ókinishke orai, biz teńgerimsizdikti kórip otyrmyz. Demeýshilikten túsken 28 mln teńgeniń 24 milliony Bibisara Asaýbaeva men onyń jattyqtyrýshylaryna bólindi», - dedi Qazaqstan shahmat federatsiiasynyń vitse-prezidenti Dármen Sádýaqasov.
Onyń aitýynsha, 2022 jyldyń birinshi jartyjyldyǵynda sportshylar men jattyqtyrýshylarǵa 28,5 mln teńgege jýyq, al 2021 jylǵa 23 mln teńge eńbekaqy tólendi.
«Ótken jyly demeýshilik kómekti bólý aitarlyqtai teńgerimdi boldy, bizdiń talanttarymyzdyń óte kóp bóligi bul qoldaýdy salystyrmaly túrde az bolsa da aldy. Kóptegen jasóspirimder úshin bul mańyzdy qoldaý, biraq, 2022 jyldyń birinshi jartysynda biz teńgerimsizdikti baiqadyq. Kóptegen talanttar qoldaý tappady, sondyqtan federatsiia aldaǵy jumysynda úsh negizgi qaǵidatty ustanatyn bolady. Bul - teńgerimdi qoldaý printsipi, meritokratiia printsipi, ashyqtyq qaǵidasy», – dedi Sádýaqasov.
Sonymen qatar, ol ótken jyly Mádeniet jáne sport ministrligi shahmatqa nebári 30 mln teńge bólgenin atap ótti.
«Bul - barlyq sportshylarǵa bir jylǵa bólingen aqsha. Árine, jetkiliksiz qarjylandyrý», - dedi spiker.
Onyń paiymynsha, federatsiianyń barlyq josparyn júzege asyrý úshin jylyna shamamen 3 mln dollar qajet, bul shamamen 1,5 mlrd teńge.
«Eger biz shahmatty qoldaýǵa múmkindik beretin qarjylandyrýdyń eń az múmkin deńgeileri týraly aitatyn bolsaq, onda bul jylyna 700-800 myń dollar bolýy múmkin», - dep jaýap berdi ol jýrnalisterdiń saýalyna.
