Qaraǵandy oblysy Shahan kentindegi qaiǵyly oqiǵa oryn alǵan úige jylý berildi, dep habarlaidy Ult.kz tilshisi QazAqparat agenttigine silteme jasap.
Buǵan deiin habarlanǵandai, 7 qańtar kúni apatty úidegi arnaiy jeke alańǵa qýaty 400 kVt qazandyq ornatylyp, iske qosyldy. «QazAqparat» HAA tilshisi modýldyq qazandyqty iske qosý kezindegi ekskliýzivti beinekadrlarmen bólisedi.
«Keshe (7 qańtar kúni - red.) turǵyn úidi jylý júiesine qosty. Bári birqalypty. Elektr qýaty da bar. Sarapshylar turýǵa jaramdy dep tanyǵan úsh kireberis turǵyndary óz páterlerine qaita oraldy. Slesar brigadasy jylý radiatorlaryn muqiiat tekserýde», - dep habarlady Shahtinsk ákiminiń baspasóz qyzmeti.
Eske sala ketsek, Shahandaǵy apatty úilerge saraptamalyq tekseris jumystary aiaqtaldy. Sarapshylar qazandyq bólmesindegi jarylystan úi qulady degen sheshimge keldi.
