Parlament Senatynyń Tóraǵasy Máýlen Áshimbaev qazirgi kezeńde shaǵyn jáne orta biznes salasynda qalyptasqan qiyndyqtarǵa Úkimet te, Parlament depýtattary da basa mańyz berýi kerektigin aityp ótti, dep habarlaidy QazAqparat.
«Shaǵyn jáne orta biznesti ásirese qazirgi tańda, koronavirýspen kúres júrip jatqan kezde damytýda máseleler baryn túsinemiz. Mańyzdy problemanyń biri – shaǵyn jáne orta bizneske qoljetimdi qarajat bólý. Esep komitetiniń baiandamasynda Natalia Godýnova osynaý mańyzdy máselege erekshe atalyp ótkenin bilesizder. Jalpy eger qarjyldandyrý bolmasa – biznes te damymaidy. Sol sebepti kásipkerler qoljetimdi nesielik resýrstarǵa qatysty áli de shaǵym aityp keledi. Ekonomikany nesieleýdiń baiaýlaý tendentsiiasy baiqalady. Mundai jaǵdaida ShOB sektoryn qarjylandyrý bastamasyn qoldaimyz», - dedi Máýlen Áshimbaev Parlament Senatynyń otyrysynda.
Parlament Senatynyń Tóraǵasy áitse shaǵyn jáne orta bizneske qatysty basqa da máselelerdiń ashyq aitylýy kerektigin eske saldy.
«Eger biz olar týraly aitpasaq, ShOB sýbektileriniń jabylýymen betpe-bet kelýimiz múmkin. Postkarantindik kezeńnen keiin mikrokásiporyndardyń jaǵdaiy ýshyǵyp ketýi yqtimal. Sol sebepti bárimiz tize biriktirip, Úkimettiń de, Ulttyq ekonomika ministrliginiń de usynystaryn qaraýǵa daiynbyz», - dedi ol.
