QR Prezidenti Qasym-Jomart Toqaev tótenshe jaǵdai rejiminde kásipkerlerge qandai qoldaý kórsetiletinin aityp berdi, dep habarlaidy "Ult aqparat".
«Biz shaǵyn jáne orta bizneske qoldaý kórsetý úshin buryn-sońdy bolmaǵan sharalardy qolǵa aldyq. Kásipkerlerge kómek kórsetý kerek. Óitkeni olar - ekonomikamyzdyń tiregi», - dep atap ótti Prezident telearna arqyly Qazaqstan halqyna joldaǵan úndeýinde.
Ákimdikter jergilikti kásiporyndardyń ónimin kem degende 6 ai boiy kepildi satyp alý tártibin jolǵa qoiýy kerek.
«ShOB ókilderin biylǵy 1 qazanǵa deiin eńbekaqy tóleý qorynan ustalatyn tabys salyǵynan bosatýdy tapsyramyn. Mundi qoldaý saýda, kólik qyzmeti, qonaqúi, týrizm jáne basqa da salalardy qamtidy», - dedi Memleket basshysy.
