Memleket basshysynyń tórtinshi áleýmettik bastamasy boiynsha ekinshi deńgeili bankter jetkilikti dárejede jumys atqarmai jatyr. Bul máselege Astanada ótip jatqan «Nur Otan» partiiasy bastaýysh uiymdarynyń respýblikalyq forýmynda Parlament Senatynyń depýtaty Baqytjan Jumaǵulov keńirek toqtaldy, dep habarlaidy QazAqparat tilshisi.
«Tórtinshi áleýmettik bastama - shaǵyn nesie berý aýqymyn keńeitý boiynsha qazir qyzý jumys júrgizilip jatyr. Bul rette ekinshi deńgeili bankterdiń nesieleýdegi ártúrli shekteýleri baiqalyp, ol bankter laiyqty deńgeidegi belsendilikti tanytpai otyr. Máselen, aýyl sharýashylyǵy baǵyty boiynsha qalaǵa bekitilgen turǵylyqty mekenderde turatyndarǵa bankter qaryzy, negizgi soma jumsaý talaby boiynsha shekteýler qoiýda», - deidiń Baqytjan Jumaǵulov.
Senatordyń aitýyna qaraǵanda, máselelerdiń aýqymy budan da keńirek. Mine, osy túitkilderdi sheshý úshin depýtat aimaqtarda partiialyq uiymdar belsendilik tanytýy kerek dep esepteidi.
Eske sala ketsek, munyń aldynda Baqytjan Jumaǵulov elimizdegi jataqhanalardyń qurylysyna kedergi bolyp otyrǵan faktorlardy ataǵan bolatyn. Onyń aitýynsha, jataqhana qurylysy boiynsha jobalyq-smetalyq qujatty daiyndaý jumystarynyń baiaýlyǵy, ákimder men JOO rektorlary investorlarmen jetkiliksiz deńgeide jumys júrgizbeýi. Al jer ýchaskesiniń berilmeýi jataqhanalar qurylysyna úlken kedergi keltirýde.
