مەملەكەت باسشىسىنىڭ تٶرتٸنشٸ ەلەۋمەتتٸك باستاماسى بويىنشا ەكٸنشٸ دەڭگەيلٸ بانكتەر جەتكٸلٸكتٸ دەرەجەدە جۇمىس اتقارماي جاتىر. بۇل مەسەلەگە استانادا ٶتٸپ جاتقان «نۇر وتان» پارتيياسى باستاۋىش ۇيىمدارىنىڭ رەسپۋبليكالىق فورۋمىندا پارلامەنت سەناتىنىڭ دەپۋتاتى باقىتجان جۇماعۇلوۆ كەڭٸرەك توقتالدى, دەپ حابارلايدى قازاقپارات تٸلشٸسٸ.
«تٶرتٸنشٸ ەلەۋمەتتٸك باستاما - شاعىن نەسيە بەرۋ اۋقىمىن كەڭەيتۋ بويىنشا قازٸر قىزۋ جۇمىس جٷرگٸزٸلٸپ جاتىر. بۇل رەتتە ەكٸنشٸ دەڭگەيلٸ بانكتەردٸڭ نەسيەلەۋدەگٸ ەرتٷرلٸ شەكتەۋلەرٸ بايقالىپ, ول بانكتەر لايىقتى دەڭگەيدەگٸ بەلسەندٸلٸكتٸ تانىتپاي وتىر. مەسەلەن, اۋىل شارۋاشىلىعى باعىتى بويىنشا قالاعا بەكٸتٸلگەن تۇرعىلىقتى مەكەندەردە تۇراتىندارعا بانكتەر قارىزى, نەگٸزگٸ سوما جۇمساۋ تالابى بويىنشا شەكتەۋلەر قويۋدا», - دەيدٸڭ باقىتجان جۇماعۇلوۆ.
سەناتوردىڭ ايتۋىنا قاراعاندا, مەسەلەلەردٸڭ اۋقىمى بۇدان دا كەڭٸرەك. مٸنە, وسى تٷيتكٸلدەردٸ شەشۋ ٷشٸن دەپۋتات ايماقتاردا پارتييالىق ۇيىمدار بەلسەندٸلٸك تانىتۋى كەرەك دەپ ەسەپتەيدٸ.
ەسكە سالا كەتسەك, مۇنىڭ الدىندا باقىتجان جۇماعۇلوۆ ەلٸمٸزدەگٸ جاتاقحانالاردىڭ قۇرىلىسىنا كەدەرگٸ بولىپ وتىرعان فاكتورلاردى اتاعان بولاتىن. ونىڭ ايتۋىنشا, جاتاقحانا قۇرىلىسى بويىنشا جوبالىق-سمەتالىق قۇجاتتى دايىنداۋ جۇمىستارىنىڭ باياۋلىعى, ەكٸمدەر مەن جوو رەكتورلارى ينۆەستورلارمەن جەتكٸلٸكسٸز دەڭگەيدە جۇمىس جٷرگٸزبەۋٸ. ال جەر ۋچاسكەسٸنٸڭ بەرٸلمەۋٸ جاتاقحانالار قۇرىلىسىنا ٷلكەن كەدەرگٸ كەلتٸرۋدە.
