Qazaqstanda shaǵyn biznes sektorynda gaz ballon jabdyǵynyń jarylýy kóbeidi. Bul týraly QR Tótenshe jaǵdailar ministri Iýrii Ilin aitty, dep habarlaidy QazAqparat.
«Shaǵyn biznes sektorynda gaz ballony jabdyǵynyń jarylý jaǵdailary jiilep ketti. Elordada bolǵan qaiǵyly oqiǵalar bizdiń qyzmetkerlerdiń olardy teksermeitinin kórsetti, óitkeni bul nysandar baqylanbaidy. Kóptegen kásipkerler osy tekserýden bosatý jeńildikterin paidalanyp, gaz ballon jabdyǵyn paidalaný erejelerin de, órt qaýipsizdigi erejelerin de buzýǵa jol beredi.
Mysaly Nur-Sultanda kafe men tamaq tapsyrysy úshin paidalanylǵan eki qabatty turǵyn úide jarylys boldy. Gaz ballonynyń jarylýynan bir qyz oqiǵa ornynda, ekinshi qyz – aýrýhanada qaitys boldy. Dál osy mekemeden bizdiń qyzmetkerler 19 ballon shyǵardy. Bul biznes tarapynan aiqyn zańbuzýshylyq bolǵanyn bildiredi. Kóbinese biznes azamattarymyzdy erikti-eriksiz «óltirip» otyr», - dedi ministr Ortalyq kommýnikatsiialar qyzmetinde ótken brifingte.
Osyǵan bailanysty ministr shaǵyn jáne orta biznes ókilderine úndeý jasady.
«Eger biznes kelýshilerdiń, onyń qyzmetterin paidalanatyn azamattardyń esebinen jumys istep tursa, qaýipsizdikti qamtamasyz etý týraly da barynsha oilanýlary kerek», - dedi Ilin.
