قازاقستاندا شاعىن بيزنەس سەكتورىندا گاز باللون جابدىعىنىڭ جارىلۋى كٶبەيدٸ. بۇل تۋرالى قر تٶتەنشە جاعدايلار مينيسترٸ يۋريي يلين ايتتى, دەپ حابارلايدى قازاقپارات.
«شاعىن بيزنەس سەكتورىندا گاز باللونى جابدىعىنىڭ جارىلۋ جاعدايلارى جيٸلەپ كەتتٸ. ەلوردادا بولعان قايعىلى وقيعالار بٸزدٸڭ قىزمەتكەرلەردٸڭ ولاردى تەكسەرمەيتٸنٸن كٶرسەتتٸ, ٶيتكەنٸ بۇل نىساندار باقىلانبايدى. كٶپتەگەن كەسٸپكەرلەر وسى تەكسەرۋدەن بوساتۋ جەڭٸلدٸكتەرٸن پايدالانىپ, گاز باللون جابدىعىن پايدالانۋ ەرەجەلەرٸن دە, ٶرت قاۋٸپسٸزدٸگٸ ەرەجەلەرٸن دە بۇزۋعا جول بەرەدٸ.
مىسالى نۇر-سۇلتاندا كافە مەن تاماق تاپسىرىسى ٷشٸن پايدالانىلعان ەكٸ قاباتتى تۇرعىن ٷيدە جارىلىس بولدى. گاز باللونىنىڭ جارىلۋىنان بٸر قىز وقيعا ورنىندا, ەكٸنشٸ قىز – اۋرۋحانادا قايتىس بولدى. دەل وسى مەكەمەدەن بٸزدٸڭ قىزمەتكەرلەر 19 باللون شىعاردى. بۇل بيزنەس تاراپىنان ايقىن زاڭبۇزۋشىلىق بولعانىن بٸلدٸرەدٸ. كٶبٸنەسە بيزنەس ازاماتتارىمىزدى ەرٸكتٸ-ەرٸكسٸز «ٶلتٸرٸپ» وتىر», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
وسىعان بايلانىستى مينيستر شاعىن جەنە ورتا بيزنەس ٶكٸلدەرٸنە ٷندەۋ جاسادى.
«ەگەر بيزنەس كەلۋشٸلەردٸڭ, ونىڭ قىزمەتتەرٸن پايدالاناتىن ازاماتتاردىڭ ەسەبٸنەن جۇمىس ٸستەپ تۇرسا, قاۋٸپسٸزدٸكتٸ قامتاماسىز ەتۋ تۋرالى دا بارىنشا ويلانۋلارى كەرەك», - دەدٸ يلين.
