Foto: ashyq derekkóz
Ishki ister ministrligi áleýmettik jelilerdegi alaiaqtyqtyń jańa túri – «mahabbat shemasy» týraly azamattarǵa eskertý jasady, dep habarlaidy Ult.kz.
Polisia.kz málimetinshe, jelide ózin sheteldik retinde tanystyryp, sezimge sendiretin alaiaqtar kóbeiip barady. Olar alǵashqyda ádemi sózder aityp, mahabbat, tipti úilený týraly ýáde berip, artynsha túrli syltaýmen aqsha suraidy.
Alaiaqtar kóbinese:
-
Tanystyqtyń basynda-aq sezimin bildiredi;
-
Beineqońyraýdan nemese kezdesýden bas tartady;
-
Qiyn ómirlik jaǵdaiyn aityp, aianysh týdyrady;
-
Aqsha, qujat nemese baǵaly zattardy jiberýdi suraidy.
Osyndai ádispen Astana qalasynyń turǵyny 9 million teńgesin alaiaqqa óz erkimen aýdaryp jibergen.
IIM azamattardy beitanys adamdarǵa sene bermeýge, ásirese sezimge senip, qarjy jóneltpeýge shaqyrady.
Aqparatty muqiiat tekserińiz, kúdik týsa, 102 nómirine birden habarlasyńyz.
