Búgin Parlamenttiń tómengi palatasynda ótken otyrysta depýtat Baqytjan Bazarbek Seismologiia institýtyn Ǵylym jáne joǵary bilim ministrligine qaitarý kerek dep málimdedi. Bul týraly "Ult aqparat" habarlaidy.
«Seismologiia institýtynyń ǵylymi qyzmetkerleri beisharanyń kúnin kórip otyr. Eshqandai ǵylymi jobalary qabyldanbady. Ǵylymi jobalaryn ministrlikke jiberse, qaitaryp jiberip jatyr eken. Olardy bútkil qarjylandyrýdan kesip tastady. Qajet dese, olar ailyǵyn da almaidy. Mine sondai dárejege jetip otyr! Seismostantsiialardyń ózi qańyltyr temir, ony mýzeige de qabyldamaidy. Seismoqaýipsizdiktiń dárejesi osyndai qazir», - dedi B. Bazarbek.
Depýtat Ǵylym jáne joǵary bilim ministri Saiasat Nurbekten qazirgi ýaqytta Tótenshe jaǵdailar ministrliginiń qaramaǵyna qaraityn Seismologiia institýtyn Ǵylym jáne joǵary bilim ministrligine qaitarý kerek ekenin aityp, ministr Saiasat Nurbekten pikirin surady.
Óz kezenginde Ǵylym jáne joǵary bilim ministri depýtattyń pikirin qoldaitynyn aitty.
«Olarda tolyqqandy qarjylandyrý da joq. Salalyq printsippen ketkenderdi biz de ishki protsedýralaryn qoldaýǵa quqyǵymyz joq. Qaitarylsa qarsy bolmaimyz. Biraq biyl úlken nysanaly-baǵdarlamaly grant berip otyrmyz. Seismologiia institýtyna 3,5 mlrd teńge kóleminde bekitildi. Qazir olardyń búkil zaiavkalaryn biz pysyqtap, olarmen birge ministrlikpen bekitip, kelesi Joǵary tehnikalyq komissiianyń Úkimet janyndaǵy otyrysyna shyǵaryp otyrmyz. Meniń jeke pikirim berilgeni durys bolady», - dedi Saiasat Nurbek.
