A.D. Saharov atyndaǵy "Za jýrnalistiký kak postýpok" syilyǵynyń ádilqazylary Seiitqazy Mataevty "Erligi úshin" ordenimen marapattady, dep habarlaidy Qazaqstannyń jýrnalister odaǵy saity Kasparov.ru reseilik internet-gazetine silteme jasap.
"Za jýrnalistiký kak postýpok" konkýrsynyń ádilqazylary Resei, Ýkraina, Belorýssiia, Qazaqstan, Ózbekstan jáne Ázerbaijanda azamattyq kózaqarsyn bildirgeni úshin bilik tarapynan qýǵyndaýǵa ushyraǵan 22 tilshi, pýblitsist jáne blogerdi A.D. Saharov atyndaǵy "Erligi úshin" ordenimen marapattady", — delingen BAQ habarlamasynda.
Konkýrs uiymdastyrýshylary atap ótkendei, "qylmystyq qýǵyndaýǵa ushyrap, ártúrli merzimge bas bostandyǵynan aiyrylǵan jáne jazasyn ótep shyqqan, qoqan-loqqy, zorlyq-zombylyqqa qaramastan óz ustanymyna berik avtorlar marapattalady. Bul adamdar memleketke qarsy shyǵýdan qoryqpaǵan jandar".
Marapattaý saltanaty qańtar aiynyń ekinshi jartysynda bolmaq.
Esterińizge sala ketsek, "QazTAG" aqparattyq agenttigin basqarýshy Seiitqazy Mataev pen onyń uly Áset iri kólemde biýdjet qarajatyn qymqyryp, salyq tóleýden qashqaqtaǵany úshin aiyptalǵan bolatyn. Ekeýi de aiypty moiyndamaǵan. Birinshi instantsiia soty Seiitqazy Mataevty alty jylǵa, Áset Mataevty bes jylǵa bas bostandyǵynan aiyrýǵa úkim shyǵarǵan. Apelliatsiialyq kollegiia soty negizgi úkimdi ózgerissiz qaldyryp, qosymsha bóligin ǵana ózgertken edi. Sáýir aiynda belgili bolǵandai, Seiitqazy Mataevqa Táýelsizdiktiń 25 jyldyǵyna orai raqymshylyq berilip, jaza merzimi 2 jyl 8 aiǵa qysqardy. Al jeltoqsannyń basynda bostandyqqa shyqty.
