Kólik politseileri jyl basynan beri áýe jáne temirjol kóliginde 6 myńnan astam quqyq buzý faktisin anyqtady. Onyń ishinde 611 oqiǵa – ruqsat etilmegen jerde temeki tartý, dep habarlaidy "Ult aqparat" Kóliktegi politsiia departamentine silteme jasap.
6 aqpanda Almatydaǵy jelilik politsiia bólimine «Air Astana» dispetcherinen habar kelip tústi. Onyń aitýynsha, «Seýl – Almaty» baǵytyndaǵy áýe kemesiniń bortynda jolaýshy tártip buzǵan.
Tekserý kezinde kólik politseileri onyń 34 jastaǵy Kiev turǵyny ekenin anyqtady. Ol ushaq bortynda temeki tartqan.
Atalǵan jaǵdai negizinde QR Ákimshilik quqyq buzý kodeksiniń 441-baby 1,2 bólimi boiynsha ákimshilik hattama toltyrylyp, jolaýshyǵa 50 AEK kóleminde aiyppul salyndy.
