Astanada Chehiiaǵa jumysqa ornalastyrýǵa ýáde berip, azamattardy aldaǵan degen kúdikpen 31 jastaǵy er adam ustaldy, dep habarlaidy ult.kz.
QR IIM baspasóz qyzmeti málimetinshe, kúdikti shetelde joǵary jalaqyly jumysqa ornalastyrýǵa kómektesetinin aityp, azamattardyń senimine kirgen. Ol keminde alty adamnan túrli kólemde aqsha alyp, keiin ýáde etken qyzmetin kórsetpei, bailanysqa shyqpai qoiǵan.
Politsiianyń málimetinshe, kúdikti óz kinásin tolyq moiyndaǵan. Aldyn ala esep boiynsha keltirilgen materialdyq shyǵynnyń jalpy kólemi shamamen 800 myń teńgeni quraidy.
Atalǵan fakti boiynsha sotqa deiingi tergeý amaldary júrgizilip jatyr.
Osyǵan bailanysty politsiia azamattardy shetelge jumysqa ornalastyrý jónindegi kúmándi usynystarǵa senbeýge shaqyrdy. Quqyq qorǵaý organdary mundai qyzmet usynatyn uiymdardyń litsenziiasy men zańdy qyzmetin aldyn ala tekserýge, kelisimshart talaptarymen muqiiat tanysýǵa jáne onyń zańdylyǵyna tolyq kóz jetkizbei turyp aqsha aýdarmaýǵa keńes beredi.
Eger alaiaqtyq belgileri baiqalsa nemese kúmándi jaǵdaiǵa tap bolsańyz, dereý 102 nómirine habarlasý qajet.
Aita keteiik, buǵan deiin Kókshetaýda da shetelge jumysqa ornalastyrý qyzmetine qatysty alaiaqtyq faktisi boiynsha qylmystyq is tergelip jatqany habarlanǵan bolatyn.
