Nurai Serikbaidyń ólimine qatysty is boiynsha sot otyrysynda kúdikti Sherhan Aimahan sońǵy sózin sóiledi, dep habarlaidy ult.kz.
Sotta ol marqumnyń ata-anasynan keshirim surap, bolǵan jaǵdaiǵa ókinish bildirdi. Aimahan bul oqiǵa úshin ómir boiy ókinetinin aitty.
Sonymen qatar ol Nurai Serikbaidyń minez-qulqy óziniń psihologiialyq jaǵdaiyna áser etkenin málimdedi. Alaida onyń bul sózderi marqumnyń jaqyndaryna qatysty aitylǵan pikir retinde qabyldandy.
Sondai-aq Sherhan Aimahan jábirlenýshi tarap talap etken 15 million teńge materialdyq shyǵyndy óteýge daiyn ekenin jetkizdi. Onyń aitýynsha, bul qarajatty jumys istep, óteitin bolady.
Al jábirlenýshi tarap talap etken 10 milliard teńge moraldyq shyǵyndy óteýden bas tartatynyn aitty.
Sotta taraptardyń jaryssózi aiaqtalǵannan keiin is boiynsha sheshim shyǵarý kútiledi.
