Shymkentte Nurai Serikbaidyń ólimine qatysty sot otyrysy jalǵasyp jatyr. Memlekettik aiyptaýshy sottan basty aiyptalýshy Sherhan Aimahandy ómir boiyna bas bostandyǵynan aiyrýdy surady, dep habarlaidy ult.kz.
Tergeý nusqasyna sáikes, Aimahan Nurai Serikbaiǵa 36 ret pyshaq jaraqatyn salǵan. Sot barysynda aiyptalýshy oqiǵa kezinde ne bolǵanyn esine túsire almaitynyn aityp, óz kinásin moiyndamaǵan.
Marqumnyń otbasy da sotta aiyptalýshy taraptan 10 mlrd teńge kóleminde moraldyq jáne materialdyq ótemaqy talap etip otyr.
Eske salaiyq, 11 qańtarda Nurai Serikbai Shymkent kósheleriniń birinde aýyr pyshaq jaraqatynan kóz jumǵan. Qyzdyń buǵan deiin shamamen alty ai boiy ańdýǵa ushyraǵany aitylǵan.
Oqiǵadan keiin 28 jastaǵy Sherhan Aimahan ustalyp, qamaýǵa alynǵan. Oǵan Qylmystyq kodekstiń birneshe baby boiynsha, sonyń ishinde asa qatygezdikpen adam óltirý, nekege májbúrleý jáne stalking boiynsha aiyp taǵylǵan.
