Astana qalasynyń Politsiia departamentimen 2019 jylǵy 10 naýryzda ulttyq alaýyzdyqty qozdyrý kúdigimen Qazaqstan Respýblikasynyń azamaty Serikjan Bilásh ustaldy, dep habarlaidy "Ult aqparat" Astana qalalyq prokýratýrasyna silteme jasap.
Buǵan negiz bolǵan Bilásh Serikjannyń 2019 jylǵy 8 aqpanda Almaty qalasynda eske alý is-sharasy kezinde ashyq túrde aitylǵan etnikalyq qytailyqtarǵa qarsy «jihadqa», iaǵni soǵysqa shaqyrýy.
Bul fakt boiynsha Astana qalasynyń Politsiia departamentimen 2019 jylǵy 21 qańtarda jergilikti turǵynnyń aryzy boiynsha Qazaqstan Respýblikasy Qylmystyq kodeksiniń 174-babanyń 2-bóligi boiynsha sotqa deiingi tergeý óndirisi bastaldy.
Bilásh Serikjannyń sózinde ulttyq alaýyzdyqty qozdyrýǵa shaqyrýdyń bolǵany politologiialyq saraptamanyń №499 2019 jylǵy 5 naýryzdaǵy qortyndysymen, áleýmettik jeliden alynǵan beinejazbalarmen, kýágerlerdiń jaýaptarymen jáne basqa qujattarmen rastalyp otyr.
Kórsetilgen kúdiktige qatysty barlyq is-áreketter ishki ister organdarymen qylmystyq protsestik zańnama aiasynda júrgizilgen.
Búgin, 2019 jylǵy 11 naýryzda Astana qalasynyń mamandandyrylǵan aýdanaralyq tergeý sotymen Bilásh Serikjanǵa qatysty 2 aiǵa «úiqamaq» túrindegi bultartpaý sharasy sanktsiialandy.
Sotqa deiingi óndiris jalǵastyrylýda.
