- QR Ulttyq ekonomika ministri Timýr Súleimenov vedomstvo ujymyna jańa vitse-ministr Serik Jumanǵarindi tanystyrdy. Bul jaiynda atalǵan ministrlik baspasóz qyzmeti málim etti, dep habarlaidy "Ult aqparat".
Bul taǵaiyndaýǵa deiin Serik Jumanǵarin eki jyldan astam Qazaqstannyń Ulttyq ekonomika ministrligi Tabiǵi monopoliialardy retteý jáne básekelestikti qorǵaý jónindegi komitetin basqardy.
Vedomstvo basshysy Jumanǵarindi taǵaiyndalýymen quttyqtap, onyń jinaǵan tájiribesin jańa laýazymdaǵy jumysynda tiimdi qoldanatynyna senim bildirdi.
Jumanǵarin ár jyldarda Ekonomikalyq damý jáne saýda ministrligi Óńirlik saiasat jáne biýdjetaralyq qatynastar departamentiniń direktory bolyp jumys istedi, Óńirlik damý komiteti tóraǵasy laýazymyn atqardy, respýblikanyń Óńirlik damý ministriniń orynbasary boldy.
Aidar Áriphanov Ulttyq ekonomika vitse-ministri laýazymynan basqa jumysqa aýysýyna bailanysty bosatyldy. Vedomstvo basshysy Úkimet atynan Áriphanovqa jumysy úshin shaǵyn jáne orta kásipkerlikti qoldaý baǵytyndaǵy úlesin joǵary baǵalai otyryp, alǵys aitty.
.jpeg)