Eńbek jáne halyqty áleýmettik qorǵaý ministrligi jyl sońyna deiin Jumyspen qamtýdyń jol kartasyn iske asyrý arqyly 35,6 myń jumys ornyn qurýdy josparlap otyr, dep habarlaidy "Ult aqparat".
«Biznesti damytý sheńberinde óńirlerde biznes sýbektilerine jeńildetilgen sharttarmen kreditter jáne qaryz berý, jarǵylyq kapitalǵa investitsiialaý, qarjylai emes qoldaý kórsetý esebinen shamamen 6 myń jumys orny qurylatyn bolady», - dedi ministr Serik Shápkenov Úkimet otyrysynda.
Ol, sondai-aq, atalǵan jol kartasy áleýmettik infraqurylymdy jaqsartýǵa, jańa óndiristerdi qurý esebinen naryqty otandyq óndiris ónimderimen tolyqtyrýǵa, shaǵyn jáne orta biznestiń jalpy ishki ónimdegi úlesin arttyrýǵa yqpal etedi degen senimin bildirdi.
«Jumyspen qamtýdyń jol kartasy biyl 35,6 myń jumys ornyn qurýǵa múmkindik beredi. Onyń 55%-dan astamy nemese 20,3 myńy turaqty bolady. Otbasy múshelerin eskersek, shamamen 80 myń adam turaqty tabyspen qamtamasyz etiledi», - dedi vedomstvo basshysy.
